Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
ഫാ.ടോമിന്റെ മോചനം: ഇന്ത്യയുടെ നയതന്ത്രവിജയം

ന്യൂഡല്‍ഹി: തീവ്രവാദികളുടെ തടവില്‍നിന്നുള്ള രണ്ട് മോചനങ്ങളായിരുന്നു മോദി സര്‍ക്കാരിന് തലവേദന തീര്‍ത്തത്. മോസുളില്‍നിന്ന് ഐ.എസ്. തീവ്രവാദികള്‍ തട്ടിക്കൊണ്ടുപോയ 30 ഇന്ത്യന്‍തൊഴിലാളികളുടെ മോചനവും യെമെനില്‍നിന്ന് തട്ടിക്കൊണ്ടുപോയ ഫാ. ടോം ഉഴുന്നാലിലിന്റെ മോചനവും. രണ്ട് വിഷയങ്ങളിലും തുടക്കംമുതല്‍ വിദേശകാര്യമന്ത്രി സുഷമാ സ്വരാജിന്റെ നിരന്തരമായ ഇടപെടല്‍ ഉണ്ടായിരുന്നു. പ്രശ്‌നമേഖലകളില്‍നിന്ന് മലയാളി നഴ്‌സുമാരെയും ഫാ. അലക്‌സിസ് പ്രേം ഉള്‍പ്പെടെയുള്ളവരെയും മോചിപ്പിക്കാന്‍ കഴിഞ്ഞെങ്കിലും ഇന്ത്യന്‍ തൊഴിലാളികളുടെയും ഫാ.ഉഴുന്നാലിലിന്റെയും രക്ഷ അനന്തമായി നീണ്ടുപോയി. യെമെനിലെ ഏദനില്‍നിന്ന് 2016 ഏപ്രിലിലാണ് ഫാ. ഉഴുന്നാലിലിനെ തീവ്രവാദികള്‍ തട്ടിക്കൊണ്ടുപോയത്. എവിടേക്കാണ് കൊണ്ടുപോയതെന്ന് അറിയാതെ സര്‍ക്കാരും ഔദ്യോഗിക സംവിധാനങ്ങളും ഇരുട്ടില്‍ പരതുന്നതിനിടയിലും മന്ത്രി സുഷമാ സ്വരാജ് പ്രതീക്ഷയുടെ സൂചനകളാണ് നിരന്തരം നല്‍കിയത്. ഒരിക്കല്‍പോലും അവര്‍ പ്രതീക്ഷ കൈവിട്ടതുമില്ല. പ്രശ്‌നമേഖലയായതിനാല്‍ യെമെനില്‍ ഇന്ത്യയുടെ നയതന്ത്ര കാര്യാലയങ്ങള്‍ പ്രവര്‍ത്തിച്ചിരുന്നില്ല. രക്ഷാപ്രവര്‍ത്തനങ്ങളുടെ ഏകോപനം ദുഷ്‌കരമായിരുന്നു. ഫാ.ടോം ഉഴുന്നാലിലിന്റെ മോചനത്തിനായി സഹായംതേടി വിവിധ രാജ്യങ്ങളെ ഇന്ത്യ സമീപിച്ചു. പാര്‍ലമെന്റിനകത്തും പുറത്തും കേരളത്തില്‍നിന്നുള്ള അംഗങ്ങള്‍ ഉഴുന്നാലിലിന്റെ മോചനവിഷയം ഉന്നയിച്ചു. ഉഴുന്നാലിലിനെ പീഡിപ്പിക്കുന്നതായി ചിത്രീകരിച്ച് ചിലദൃശ്യങ്ങള്‍ പുറത്തുവന്നതോടെ പ്രതിഷേധം ശക്തമായി. ഫാ.ടോമിന്റെ മോചനത്തിനായി ആവുന്നതെല്ലാം ചെയ്യുമെന്ന് സുഷമ പാര്‍ലമെന്റില്‍ രണ്ടുവട്ടം പ്രസ്താവന നടത്തി. യെമെനുമായി ബന്ധമുള്ള രാജ്യങ്ങളിലെ ഭരണാധികാരികളുമായി പ്രധാനമന്ത്രിയും താനും ബന്ധപ്പെടുന്നുണ്ടെന്നും മന്ത്രി പറഞ്ഞു. ഒടുവല്‍ ഫാ.ടോം മോചിതനാകുമ്പോള്‍, വിജയിക്കുന്നത് സുഷമയുടെ നിരന്തര ഇടപെടലുകള്‍കൂടിയാണ്. മോസുളില്‍ തീവ്രവാദികളുടെ പിടിയിലായ ഇന്ത്യന്‍ തൊഴിലാളികളുടെ മോചനമാണ് ഇനിയുള്ള കടമ്പ.

 
 
 
Hosted and Maintained by www.kerala.com & www.Indias.com by 
Worldviewer Dot Com (India) Pvt. Ltd.
 & Worldviewer.in , USA
"Your Home, Your Town, Your World." Mail to:  info@kerala.com