Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
കുല്‍ഭൂഷണ്‍ ജാദവിന്റെ മോചനം: പാക് മുൻ സൈനികനെ ഇന്ത്യ തടവിലാക്കിയെന്ന് പാകിസ്താൻ

ഇസ്ലാമാബാദ്: പാകിസ്താനിൽ തടവിലുള്ള മുൻ ഇന്ത്യൻ നാവികസേനാ ഉദ്യോഗസ്ഥൻകുുൽഭൂഷൺ ജാദവിന്റെ മോചനത്തിന് സമ്മർദം ചെലുത്തുന്നതിനായി തങ്ങളുടെ മുൻ സൈനികോദ്യോഗസ്ഥനെ ഇന്ത്യ തട്ടിക്കൊണ്ടുപോയെന്ന് പാകിസ്താന്റെ ആരോപണം. ലഫ്. കേണലായി വിരമിച്ച മുഹമ്മദ് ഹബീബിനെ ഇന്ത്യൻ ചാര സംഘടനായ റോ നേപ്പാളിൽ നിന്ന് തട്ടിക്കൊണ്ടുപോയി എന്നാണ് പാക് ഉദ്യോഗസ്ഥർ ആരോപിക്കുന്നത്. പേരുവെളിപ്പെടുത്താൻ തയ്യാറാകാത്ത ഉദ്യോഗസ്ഥർ നടത്തിയ ആരോപണത്തിനോട് ഇന്ത്യ ഔദ്യോഗികമായി പ്രതികരിച്ചിട്ടില്ല. ജോലിയുടെ ഭാഗമായി കാഠ്മണ്ടു വിമാനത്താവളത്തിൽ എത്തിയ ഹബീബിനെ ഇന്ത്യക്കാരനാണ് ഹോട്ടലിൽ എത്തിച്ചതെന്നും പാക് ഉദ്യോഗസ്ഥർ പറയുന്നു. ഹബീബിനെ റോയുടെ നിർദ്ദേശപ്രകാരം തട്ടിക്കൊണ്ടുപോവുകയായിരുന്നു എന്നും അവർ വാദിക്കുന്നു. ബലൂചിസ്താനിൽ ചാരപ്രവർത്തനം നടത്തി എന്നാരോപിച്ചാണ് കുൽഭൂഷൺ യാദവിനെ പാകിസ്താൻ വധശിക്ഷയ്ക്ക് വിധിച്ചത്. കുൽഭൂഷണെ മോചിപ്പിക്കാനുള്ള സമ്മർദ്ദങ്ങൾ ചെലുത്തുന്നതിനായാണ് ഇന്ത്യ തങ്ങളുടെ പൗരനെ തട്ടിക്കൊണ്ടുപോയതെന്നാണ് പാക് ഉദ്യോഗസ്ഥർ പറയുന്നത്. കുൽഭൂഷൺ യാദവിന് പാകിസ്താനിൽ നടന്ന 1345 മരണങ്ങളിൽ പങ്കുണ്ടെന്നും അവർ അരോപിക്കുന്നു. കുൽഭൂഷൺ വിഷയത്തിൽ ഇന്ത്യാ- പാക് ബന്ധം മോശമായ അവസ്ഥയിലാണ്. പാകിസ്താൻ വധശിക്ഷ നടപ്പിലാക്കിയാൽ കരുതിക്കൂട്ടിയുള്ള കൊലപാതകമായി കണക്കാക്കുമെന്നാണ് ഇന്ത്യ മുന്നറിയിപ്പ് നൽകിയിരിക്കുന്നത്. മുൻ നാവികസേനാ ഉദ്യോഗസ്ഥനായ കുൽഭൂഷൺ പാക്സ്താനിൽ എത്തിയെന്നതിന് വിശ്വസനീയമായ തെളിവില്ലെന്നും ഇറാനിൽ നിന്ന് ഇയാളെ തട്ടിക്കൊണ്ടുപോയതാണെന്നുമാണ് ഇന്ത്യ പറയുന്നത്.

 
 
 
Hosted and Maintained by www.kerala.com & www.Indias.com by 
Worldviewer Dot Com (India) Pvt. Ltd.
 & Worldviewer.in , USA
"Your Home, Your Town, Your World." Mail to:  info@kerala.com