Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
ബയറണിനെ മലര്‍ത്തി റയലും ലെസ്റ്ററിനെ വീഴ്ത്തി അത്‌ലറ്റികോയും സെമിയില്‍

മാഡ്രിഡ്: സ്പാനിഷ് വമ്പൻമാരായ റയൽ മാഡ്രിഡും അത്ലറ്റികോ മാഡ്രിഡും യൂറോപ്യൻ ചാമ്പ്യൻസ് ലീഗ് സെമിയിൽ പ്രവേശിച്ചു. ശക്തരായ ബറയൺ മ്യൂണികിനെ ഇരു പാദങ്ങളിലായി 6-3ന് മലർത്തിയടിച്ചാണ് റയൽ സെമി പ്രവേശം നേടിയത്. ഇരു പാദങ്ങളിലായി 2-1ന് ലെസ്റ്ററിനെ വീഴത്തിയാണ് അത്ലറ്റികോ സെമിയിലെത്തിയത്. ആദ്യ പാദത്തിലെ വിജയവും എവേ ഗോളിന്റെ മുൻതൂക്കവുമായി സ്വന്തം തട്ടകത്ത് ഇറങ്ങിയ റയൽ രണ്ടാം പാദത്തിൽ രണ്ടിനെതിരെ നാലു ഗോളുകൾ ബയറൺ പോസ്റ്റിൽ അടിച്ചു കയറ്റി. സൂപ്പർ താരം ക്രിസ്റ്റ്യാനോയുടെ ഹാട്രിക് ഗോളിന്റെ മികവിലാണ് റയലിന്റെ വിജയം. ചാമ്പ്യൻസ് ലീഗിൽ നൂറു ഗോളുകൾ നേടുന്ന ആദ്യതാരവുമായി മാറി ഇതോടെ ക്രിസ്റ്റ്യാനോ. 76,105,109 എന്നീ മിനിറ്റുകളിലായിരുന്നു ക്രിസ്റ്റ്യാനോയുടെ ഗോളുകൾ. ലെവൻഡോസ്കിയും റാമോസ് നേടിയ ഒരു സെൽഫ് ഗോളുമാണ് ബയറൺ ഗോൾപ്പട്ടിക രണ്ടിലെത്തിച്ചത്. രണ്ടു മഞ്ഞ കാർഡ് നേടി വിദാലിന് 85-ാം മിനിറ്റിൽ കളം വിടേണ്ടി വന്നതിനെ തുടർന്ന് ശേഷിച്ച സമയം പത്തു പേരുമായാണ് ബയറൺ പന്ത്തട്ടിയത്. ഇംഗ്ലീഷ് ചാമ്പ്യൻമാരായ ലെസ്റ്ററിനെതിരെ ആദ്യപാദത്തിൽ നേടിയ ഒരു ഗോൾ മുൻ തൂക്കമാണ് അത്ലറ്റികോയെ സെമിയിൽ കടത്തിയത്. ലെസ്റ്ററിന്റെ മൈതാനത്ത് നടന്ന രണ്ടാം പാദത്തിൽ സമനില (1-1) പിടിക്കുകയും ചെയ്തു. അത്ലറ്റികോയ്ക്കായി 26-ാം മിനിറ്റിൽ സൗൾ നിഗോസും ലെസ്റ്ററിനായി 61-ാം മിനിറ്റിൽ ജാമി വാർഡിയുമാണ് ഗോളുകൾ നേടിയത്.

 
 
 
Hosted and Maintained by www.kerala.com & www.Indias.com by 
Worldviewer Dot Com (India) Pvt. Ltd.
 & Worldviewer.in , USA
"Your Home, Your Town, Your World." Mail to:  info@kerala.com