Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
ദിനകരനെതിരെ ഡല്‍ഹി പോലീസിന്റെ ലുക്കൗട്ട് നോട്ടീസ്

ദിനകരൻ എം.എൽ.എമാരുടെ യോഗം വിളിച്ചു എം.എൽ.എമാർ തനിക്കൊപ്പമെന്ന് ദിനകരൻ ചെന്നൈ: തിരഞ്ഞെടുപ്പ് കമ്മിഷനെ പണംനൽകി സ്വാധീനിക്കാൻ ശ്രമിച്ചുവെന്ന കേസിൽ ശശികലയുടെ അനന്തരവൻ ടി.ടി.വി ദിനകരനെതിരെ ഡൽഹി പോലീസിന്റെ ലുക്കൗട്ട് നോട്ടീസ്. ശശികലയെയും ദിനകരനെയും എ.ഐ.എ.ഡി.എം.കെയിൽനിന്ന് പുറത്താക്കി പാർട്ടിയിൽ ഐക്യം പുനസ്ഥാപിക്കാൻ തമിഴ്നാട് മുഖ്യമന്ത്രി എടപ്പാടി പളനിസ്വാമിയുടെ അധ്യക്ഷതയിൽ ചേർന്ന യോഗം തീരുമാനിച്ചതിന് പിന്നാലെയാണ് ഡൽഹി പോലീസിന്റെ നീക്കം. പാർട്ടിയിൽനിന്ന് പുറത്താക്കപ്പെടുന്നതിന് പിന്നാലെ ദിനകരൻ രക്ഷപെടാൻ ശ്രമിച്ചേക്കുമെന്ന സൂചനയെ തുടർന്നാണിത്. അതിനിടെ ദിനകരൻ പാർട്ടി എം.എൽ.എമാരുടെയും ജില്ലാ സെക്രട്ടറിമാരുടെയും യോഗം വിളിച്ചിട്ടുണ്ട്. ബുധനാഴ്ച വൈകീട്ട് മൂന്നിന് റോയപേട്ടയിലെ പാർട്ടി ആസ്ഥാനത്താണ് യോഗം. പാർട്ടി എം.എൽ.എമാർ തനിക്കൊപ്പമുണ്ടെന്നാണ് ദിനകരൻ അവകാശപ്പെടുന്നത്. ഇടനിലക്കാരൻ സുകാഷ് ചന്ദ്രശേഖറിനെ ചോദ്യം ചെയ്തതിൽനിന്ന് ലഭിച്ച വിവരങ്ങളുടെ അടിസ്ഥാനത്തിൽ ദിനകരനെ ഉടൻ അറസ്റ്റ് ചെയ്യുകയോ ചൊദ്യം ചെയ്യലിന് വിളിക്കുകയൊ ചെയ്യുമെന്നാണ് ഡൽഹി ക്രൈംബ്രാഞ്ച് വൃത്തങ്ങൾ നൽകുന്ന സൂചന. ഡൽഹിയിലെ പഞ്ചനക്ഷത്ര ഹോട്ടലിൽനിന്ന് അറസ്റ്റിലായ സുകാഷ് ചന്ദ്രശേഖറും ദിനകരനും തമ്മിലുള്ള ബന്ധം സംബന്ധിച്ച വ്യക്തമായ വിവരങ്ങൾ ലഭിച്ചിട്ടുണ്ടെന്നും ഡൽഹി പോലീസ് വ്യക്തമാക്കിയിട്ടുണ്ട്. ഹവാല സംഘങ്ങളെപ്പറ്റി അന്വേഷണം നടത്താൻ സുകാഷ് ചന്ദ്രശേഖറിനെ ചെന്നൈയിലെത്തിച്ച് തെളിവെടുപ്പ് നടത്തുമെന്നും സൂചനയുണ്ട്. എ.ഐ.എ.ഡി.എം.കെയുടെ രണ്ടില ചിഹ്നം ശശികല വിഭാഗത്തിന് ലഭിക്കാൻ സുകേഷ് വഴി ദിനകരൻ തിരഞ്ഞെടുപ്പ് കമ്മിഷനിലെ ഉദ്യോഗസ്ഥർക്ക് കൈക്കൂലി കൊടുക്കാൻ ശ്രമിച്ചുവെന്നാണ് കേസ്. ഇതിനായി 50 കോടിയുടെ കരാർ സുകേഷും ദിനകരനും തമ്മിൽ ഉറപ്പിച്ചുവെന്നാണ് കണ്ടെത്തിയിട്ടുള്ളത്.

 
 
 
Hosted and Maintained by www.kerala.com & www.Indias.com by 
Worldviewer Dot Com (India) Pvt. Ltd.
 & Worldviewer.in , USA
"Your Home, Your Town, Your World." Mail to:  info@kerala.com