Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
മദ്യപാനികള്‍ക്കും ആളുണ്ട്; മദ്യഉപയോക്താക്കളുടെ യോഗം നാളെ കണ്ണൂരില്‍

തിരുവനന്തപുരം: മദ്യപാനികൾക്ക് ചോദിക്കാനും പറയാനും ആരുമില്ലെന്ന് കരുതിയോ? യാചകരോ സൊമാലിയയിലെ പട്ടിണിപ്പാവങ്ങളോ ആണോ ഞങ്ങൾ? പൊരിവെയിലത്ത് മണിക്കൂറുകൾ ക്യൂ നിൽക്കുന്നത് നിങ്ങൾക്കൊക്കെ ശമ്പളവും പെൻഷനും തരാൻ കൂടിയാണ് ഹേ.. മദ്യപരുടെ ആത്മരോഷം അണ പൊട്ടുകയാണ്. ഇനിയുമീ മനുഷ്യത്വമില്ലായ്മ തുടർന്നാൽ ചോദ്യം ചെയ്യാനാണ് തീരുമാനം. വ്യാഴാഴ്ച കണ്ണൂർ പയ്യന്നൂരിൽ ചേരുന്ന വിശദീകരണ യോഗത്തിൽ ഭരണകൂടവും നീതിപീഠവും പൊതുസമൂഹവും പുലർത്തുന്ന മനുഷ്യത്വരഹിത നിലപാടുകൾ മദ്യഉപഭോക്തൃ സംരക്ഷണ സമിതി(എം.യു.എസ്.എസ്) തുറന്നുകാട്ടും. കേരളത്തിലെ ജനസംഖ്യയുടെ നിർണ്ണായക ശതമാനം മദ്യ ഉപയോക്താക്കളാണെന്ന് സമിതി കൺവീനർ ദാമോദരൻ പറയുന്നു. 80 ലക്ഷത്തിലധികം വരുന്ന ഈ വിഭാഗത്തിന്റെ അടിസ്ഥാന ആവശ്യങ്ങൾ പരിഗണിക്കാതെ കരിഞ്ചന്ത വിൽപ്പന നടത്തുകയാണ് സർക്കാർ. നല്ല മദ്യം ലഭ്യമാക്കുന്നില്ല. പേരിൽ മാത്രമാണ് ഇവിടെ വിദേശമദ്യം. നാടൻ ഡിസ്റ്റിലറികളിൽ നിർമ്മിച്ച് ബിവറേജസ് കോർപ്പറേഷന് നൽകുമ്പോൾ ഇവയുടെ ഗുണനിലവാര പരിശോധന വേണ്ടുംവിധം നടത്താറില്ല. നല്ല മദ്യം ഉപയോക്താവിന്റെ അവകാശമാണ്. ലോകത്തില്ലാത്ത നികുതിയാണ് ഈടാക്കുന്നത്. 145 ശതമാനം വരെ നികുതിയുള്ള ഈ വിൽപ്പന കരിഞ്ചന്ത തന്നെ. അതായത് 80 രൂപ അടിസ്ഥാനവിലയുള്ളത് വിൽക്കുന്നത് 300ലധികം രൂപയ്ക്ക്. ഇതൊന്നും കൂടാതെ യാചകരോ സൊമാലിയയിലെ പട്ടിണിപ്പാവങ്ങളോ ഭക്ഷണത്തിന് ക്യൂ നിൽക്കുന്ന പോലെ പൊരിവെയിലത്ത് മൂന്നും നാലും മണിക്കൂർ ക്യൂ നിൽക്കുകയും വേണം. ഇത് ക്രൂരതയാണ്. ജീവനക്കാർക്കുള്ള ശമ്പളവും പെൻഷനും നൽകുന്നത് ഇവർ വഴിയായിട്ടും യാതൊരു മാനുഷിക പരിഗണനയുമില്ലാതെയാണ് സർക്കാരിന്റെ പെരുമാറ്റമെന്നും ദാമോദരൻ പറയുന്നു. മദ്യനിരോധനം ലോകത്തെങ്ങും നടന്നിട്ടില്ലാത്ത അപ്രായോഗിക ആശയമാണ്. മദ്യവർജ്ജനം പിന്നെയും നടപ്പാക്കാനായേക്കും. പാതയോരത്ത് മദ്യവിൽപ്പന നനിരോധിച്ച കോടതി വിധി അസംബന്ധമാണ്. മദ്യപിക്കുന്നവർക്ക് യഥേഷ്ടം സൗകര്യമൊരുക്കുകയാണ് തങ്ങളുടെ മുഖ്യആവശ്യമെന്നും ഇതിനായി നിരവധി നിവേദനങ്ങൾ കൊടുത്തുകഴിഞ്ഞെന്നും അദ്ദേഹം പറയുന്നു. നിവേദനത്തിലെ ആവശ്യങ്ങളിങ്ങനെ: എല്ലാ ഷോപ്പിങ് മാളുകളിലെയും രണ്ടാമത്തെയോ മൂന്നാമത്തെയോ നിലയിൽ ഔട്ട്ലെറ്റ് തുറക്കുക, വിതരണം സുതാര്യമാക്കുക, ഔട്ട്ലെറ്റിലെ കൗണ്ടറുകളുടെ എണ്ണം കൂട്ടുക, കൂടുതൽ ഔട്ട്ലെറ്റുകൾ തുറക്കുക, പ്രധാനപാതകളിൽ കഴിയില്ലെങ്കിൽ കഴിയുന്നിടത്ത് ഔട്ട്ലെറ്റുകൾ തുറക്കുക. ഈ ആവശ്യങ്ങൾ പൊതുജനത്തെയും സമൂഹത്തെയും ബോദ്ധ്യപ്പെടുത്താനാണ് കണ്ണൂർ പയ്യന്നൂർ ഷേണായീസ് സ്ക്വയറിൽ വ്യാഴാഴ്ച വൈകിട്ട് നാലിന് യോഗം ചേരുന്നത്. സാംസ്കാരിക പ്രവർത്തകർ ഭാഗമാകുമെന്നാണ് സമിതി പറയുന്നത്.

 
 
 
Hosted and Maintained by www.kerala.com & www.Indias.com by 
Worldviewer Dot Com (India) Pvt. Ltd.
 & Worldviewer.in , USA
"Your Home, Your Town, Your World." Mail to:  info@kerala.com