Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
പിണറായിയുമായുള്ള ചർച്ച പുതിയ തുടക്കമെന്ന് കെജ്‌രിവാള്‍

ന്യൂഡൽഹി: മുഖ്യമന്ത്രി പിണറായി വിജയൻ ഡൽഹി മുഖ്യമന്ത്രി അരവിന്ദ് കെജ്രിവാളുമായി കൂടിക്കാഴ്ച നടത്തി. രാവിലെ എട്ടരയോടെ കേരള ഹൗസിലെത്തിയ കെജ്രിവാൾ അരമണിക്കൂർ നേരം പിണറായിയുമായി ചർച്ച നടത്തി. ദേശീയ തലത്തിൽ ബി.ജെ.പി വിരുദ്ധ സഖ്യത്തിന് നീതിഷ് കുമാർ അടക്കമുള്ളവരുടെ നേതൃത്വത്തിൽ തുടക്കം കുറിക്കുന്നതിനിടെയാണ് പിണറായി വിജയൻ കെജ്രിവാളുമായി ചർച്ച നടത്തിയത് എന്നത് ശ്രദ്ധേയമാണ്. ബി.ജെ.പിയെ തടുക്കാൻ കോൺഗ്രസുമായി യോജിച്ച് പോവാൻ കഴിയില്ലെന്ന് ചർച്ചയ്ക്ക് ശേഷം പിണറായി വിജയൻ പറഞ്ഞു. എന്നാൽ മറ്റു പാർട്ടികളുമായി യോജിച്ച് പോവുന്നത് ആലോചിക്കുമെന്നും അദ്ദേഹം അറിയിച്ചു. രാജ്യത്ത് ഇപ്പോൾ നിലനിൽക്കുന്നത് ഭയത്തിന്റെ രാഷ്ട്രീയമാണെന്ന് കൂടിക്കാഴ്ചയ്ക്ക് ശേഷം അരവി ന്ദ് കെജ്രിവാൾ പറഞ്ഞു. കേന്ദ്രത്തിനെതിരെ ശബ്ദിക്കുന്നവരെ നിശബ്ദരാക്കാനാണ് ചിലരുടെ ശ്രമം. കേരള മുഖ്യമന്ത്രി പിണറായി വിജയനുമായുള്ള കൂടിക്കാഴ്ച പുതിയ തുടക്കമായി തന്നെയാണ് കാണുന്നതെന്നും അദ്ദേഹം പറഞ്ഞു. ഇരുവരും മുഖ്യന്ത്രിയായതിന് ശേഷമുള്ള ആദ്യ കൂടിക്കാഴ്ചയാണ് ഇന്ന് കേരള ഹൗസിൽ നടന്നത്. ദേശീയ തലത്തിൽ ബി.ജെ.പിക്കെതിരെ ഒരു വിശാല സഖ്യം ഉയർന്ന് വരേണ്ടത് പുതിയ സാഹചര്യത്തിൽ അത്യാവശ്യമാണെന്ന് കെജ്രിവാൾ പറഞ്ഞിരുന്നു. ഇക്കാര്യത്തിന് മുഖ്യമന്ത്രി പിണറായി വിജയന്റെ പിന്തുണതേടുകയെന്നതും താൻ ഉയർത്തിയ വോട്ടിംഗ് മെഷീൻ അടക്കമുള്ള കാര്യങ്ങളിൽ പിന്തുണ തേടുകയെന്നതുമാണ് ചർച്ചയുടെ പ്രധാന ലക്ഷ്യമായി വിലയിരുത്തുന്നത്. ഫോട്ടോ: സാബു സ്കറിയ

 
 
 
Hosted and Maintained by www.kerala.com & www.Indias.com by 
Worldviewer Dot Com (India) Pvt. Ltd.
 & Worldviewer.in , USA
"Your Home, Your Town, Your World." Mail to:  info@kerala.com