Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
പള്‍സര്‍ സുനിയുടെ അഭിഭാഷകന് നുണ പരിശോധന

കൊച്ചി: നടി അക്രമിക്കപ്പെട്ട കേസിലെ മുഖ്യപ്രതി പൾസർ സുനിയുടെ അഭിഭാഷകന് നുണപരിശോധന നടത്താൻ പോലീസ് തയ്യാറാവുന്നു. പ്രധാന തെളിവായ മൊബൈൽ ഫോൺ കണ്ടെത്തുന്നതിനാണ് നുണ പരിശോധന നടത്തുന്നത്. നടി അക്രമിക്കപ്പെട്ട ദിവസം രാത്രി പ്രതികൾ നേരിട്ടെത്തി മൊബൈൽ ഫോണും, പാസ്പോർട്ടും മറ്റ് രേഖകളും ഏൽപിച്ചെന്ന് അഭിഭാഷകൻ പറഞ്ഞിരുന്നു. അതിന് പുറമെ ഈ അഭിഭാഷകൻ മുഖേനയായിരുന്നു പൾസർ സുനി പിടിയിലാവുന്നതിന് മുമ്പ് ഹൈക്കോടതിയിലേക്കുള്ള ജാമ്യാപേക്ഷയും നൽകിയത്. അഭിഭാഷകന്റെ മൊഴിയുടെ അടിസ്ഥാനത്തിൽ പോലീസ് ഇയാളുടെ വീട്ടിലും മറ്റും പരിശോധന നടത്തിയെങ്കിലും ഫോൺ കണ്ടെത്താൻ കഴിഞ്ഞിരുന്നില്ല. മാത്രമല്ല പോലീസിന്റെ ചോദ്യം ചെയ്യലിനോട് ഇയാൾ പൂർണമായും സഹകരിച്ചിട്ടുമുണ്ടായിരുന്നില്ല. ഈ സാഹചര്യത്തിലാണ് നുണ പരിശോധനയ്ക്ക് പോലീസ് ശ്രമിക്കുന്നത്. എന്നാൽ പോലീസിന്റെ നീക്കത്തെ മറ്റ് അഭിഭാഷകർ എതിർക്കുന്നുണ്ട്. മൊബൈൽ ഫോൺ കണ്ടെത്താൻ പോലീസ് ഊർജ്ജിത ശ്രമം നടത്തുന്നുണ്ടെങ്കിലും പൾസർ സുനി പലപ്പോഴും മൊഴിമാറ്റി പറയുകയായിരുന്നു. ഇത് അന്വേഷണ ഉദ്യോഗസ്ഥരെ കുഴക്കുകയും ചെയ്തിരുന്നു. ഫോൺ കായലിൽ കളഞ്ഞുവെന്നും, ഓടയിൽ കളഞ്ഞുവെന്നുമെല്ലാം പൾസർ സുനി മൊഴി നൽകിയിരുന്നുവെങ്കിലും തിരച്ചിൽ നടത്തിയപ്പോൾ ഫോൺ കണ്ടെത്താൻ കഴിഞ്ഞിരുന്നില്ല. ഇതിനിടെയാണ് മൊബൈൽ ഫോണുമായി ബന്ധപ്പെട്ട് അഭിഭാഷകനോട് പറഞ്ഞ കാര്യങ്ങൾ അറിയാൻ പോലീസ് നുണ പരിശോധനയ്ക്ക് ഒരുങ്ങുന്നത്.

 
 
 
Hosted and Maintained by www.kerala.com & www.Indias.com by 
Worldviewer Dot Com (India) Pvt. Ltd.
 & Worldviewer.in , USA
"Your Home, Your Town, Your World." Mail to:  info@kerala.com