Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
മുതിര്‍ന്ന ബി.ജെ.പി നേതാക്കള്‍ക്ക് കനത്ത തിരിച്ചടിയായി സുപ്രീംകോടതി വിധി

ബാബറി മസ്ജിദ് കേസിലെ നിർണായക സുപ്രീം കോടതിവിധി മുതിർന്ന ബി.ജെ.പി നേതാക്കളായ എൽ.കെ അദ്വാനി, മുരളി മനോഹർ ജോഷി, ഉമാ ഭാരതി എന്നിവരുടെ രാഷ്ട്രീയ ജീവിതത്തിൽ പ്രതിസന്ധി സൃഷ്ടിച്ചേക്കും. അദ്വാനിയുടെയും ജോഷിയുടെയും രാഷ്ട്രപതി സ്ഥാനത്തേക്കുള്ള പ്രതീക്ഷകൾക്ക് സുപ്രീം കോടതി വിധി മങ്ങലേൽപ്പിക്കും. ഉമാ ഭാരതിക്ക് കേന്ദ്രമന്ത്രി സ്ഥാനത്ത് തുടരുന്നതിനും ബുദ്ധിമുട്ടേണ്ടിവരും. രാജിവെക്കേണ്ടിവന്നാൽ ഉമാ ഭാരതിക്ക് മന്ത്രിസ്ഥാനം നഷ്ടമാകുന്നത് ഇത് രണ്ടാം തവണയാകും. ഹൂബ്ലി കലാപവുമായി ബന്ധപ്പെട്ട കേസിൽ അറസ്റ്റ് വാറണ്ട് വന്നതിനെത്തുടർന്ന് 2004 ൽ ഉമാ ഭാരതിക്ക് മധ്യപ്രദേശ് മുഖ്യമന്ത്രിസ്ഥാനം രാജിവെക്കേണ്ടി വന്നിരുന്നു. രാജിവച്ചശേഷം മുഖ്യമന്ത്രിസ്ഥാനത്ത് തിരിച്ചെത്താൻ ഉമാ ഭാരതി ശ്രമം നടത്തിയെങ്കിലും വിജയിച്ചില്ല. ഇതേത്തുടർന്ന് അവർ ബി.ജെ.പിയിൽനിന്ന് രാജിവച്ചിരുന്നു. നരേന്ദ്രമോദിയുടെ വരവോടെ ബി.ജെ.പിയിൽ അപ്രസക്തരായ അദ്വാനിയുടെയും ജോഷിയുടെയും രാഷ്ട്രീയ ജീവിതത്തിൽ സുപ്രീം കോടതി വിധി കരിനിഴൽ വീഴ്ത്തും. രാഷ്ട്രപതി പ്രണബ് മുഖർജിക്കുശേഷം രാഷ്ട്രപതി സ്ഥാനത്തേക്ക് പരിഗണിക്കപ്പെടുമെന്ന് ഇരുവരും പ്രതീക്ഷ വച്ചുപുലർത്തിയിരുന്നു. വരുന്ന ജൂലായിൽ പ്രണബ് മുഖർജി രാഷ്ട്രപതിസ്ഥാനം ഒഴിയും. എന്നാൽ രാജ്യത്ത് വർഗീയ ധ്രുവീകരണമുണ്ടാക്കിയ കേസിൽ വിചാരണ നേരിടേണ്ടിവരുന്ന സാഹചര്യത്തിൽ ഇരുവരെയും രാഷ്ട്രപതി സ്ഥാനത്തേക്ക് പരിഗണിക്കാൻ സാധ്യതയില്ല. വിവാദങ്ങൾ ഒഴിവാക്കാനാവും പ്രധാനമന്ത്രിനരേന്ദ്രമോദി ശ്രമിക്കുക. അയോധ്യ കേസിൽ മുതിർന്ന ബി.ജെ.പി നേതാക്കൾ വിചാരണ നേരിടണമെന്ന സുപ്രീം കോടതിവിധി കോൺഗ്രസ് സ്വാഗതം ചെയ്തിട്ടുണ്ട്. എന്നാൽ വിധി നേരത്തെതന്നെ വരേണ്ടിയിരുന്നുവെന്നാണ് കോൺഗ്രസ് പ്രതികരിച്ചത്. വിധി വൈകിയെങ്കിലും നിയമനടപടികൾ പൂർത്തിയാകാൻ സമയമെടുക്കുമെന്നത് അംഗീകരിക്കുന്നതിനാൽ വിധിയിൽ സംതൃപ്തിയുണ്ടെന്നാണ് കോൺഗ്രസ് വക്താവ് മനീഷ് തിവാരി പ്രതികരിച്ചത്. ബാബറി മസ്ജിദ് തകർക്കപ്പെട്ടതുമായി ബന്ധപ്പെട്ട ഗൂഢാലോചനക്കേസിൽ മുതിർന്ന ബി.ജെ.പി നേതാക്കളായ എൽ.കെ അദ്വാനി, മുരളി മനോഹർ ജോഷി, ഉമാ ഭാരതി എന്നിവർ വിചാരണ നേരിടണമെന്നാണ് സുപ്രീം കോടതി ഉത്തരവിട്ടത്. നേതാക്കൾക്കെതിരായ ഗൂഢാലോചനക്കുറ്റം സുപ്രീം കോടതി പുന:സ്ഥാപിച്ചു. ഗൂഢാലോചനക്കുറ്റം ഒഴിവാക്കിയ അലഹഹാദ് ഹൈക്കോടതി വിധിക്കെതിരെ സി.ബി.ഐ സമർപ്പിച്ച അപ്പീലിലാണ് സുപ്രീം കോടതി സുപ്രധാന ഉത്തരവ് പുറപ്പെടുവിച്ചത്. മസ്ജിദ് തകർക്കപ്പെട്ട സമയത്ത് യു.പി മുഖ്യമന്ത്രി ആയിരുന്ന കല്യാൺ സിങ് നിലവിൽ രാജസ്ഥാൻ ഗവർണറായതിനാൽ വിചാരണ നേരിടേണ്ടതില്ലെന്നും സുപ്രീം കോടതി വ്യക്തമാക്കിയിട്ടുണ്ട്. ബാബറി മസ്ജിദ് തകർക്കാൻ അദ്വാനി അടക്കമുള്ളവർ ചേർന്ന ഗൂഢാലോചന നടത്തിയെന്നാണ് സി.ബി.ഐയുടെ കണ്ടെത്തൽ. മുതിർന്ന ബി.ജെ.പി നേതാക്കൾ മസ്ജിദ് തകർക്കപ്പെട്ടതിന്റെ തലേദിവസം വിനയ് കട്യാറിന്റെ വീട്ടിൽ യോഗം ചേർന്നുവെന്നും ആ യോഗത്തിലാണ് അന്തിമ തീരുമാനം ഉണ്ടായതെന്നും സി.ബി.ഐ ആരോപിക്കുന്നു.

 
 
Indias.com
Advertisement in Kerala.com, Kerala advertisements
Kerala.com
Kerala News, Kerala Tourism, Kerala Realestate, Kerala Matrimonials, Kerala Taxi
KeralaRealEstate.com
Sell / Buy properties, land, buildings, flats, houses, villas,commercial properties in kerala
Keralatravels.com
Kerala Tour Packages, Hotels, Resorts, Houseboats, Ayurveda, Taxi
Keralaevents.com
Event Management Kerala, Kerala Business Events, Kerala Upcoming Events
Keralataxi.com
Kerala Taxi, Kerala Tourism, Kerala Holidays, Tourist Cars, Cabs, Luxury vehicles
www.spoke.com
sales lead generation, US business
 
Hosted and Maintained by www.kerala.com & www.Indias.com www.Avoo.com by 
Worldviewer Dot Com (India) Pvt. Ltd.
 & Worldviewer.com Inc., USA
"Your Home, Your Town, Your World." Mail to:  info@kerala.com