Kerala Travels Kerala Classifieds Kerala Index Kerala Education Yellowpages Kerala Hotels Kerala Tourism Kerala Jobs Kerala Homestays
Kerala.com-Kerala Events-Kerala News- Kerala Realestate-Kerala Travels
Kerala, Kerala tourism, Kerala travels, Kerala hotels
Malayala Manorama  |   Mangalam   |   Madhyamam   |   Mathrubhumi   |   Deepika   |   Metro Vaartha   |   Kerala Kaumudi   |   Deshabhimani   |   K Vartha   |   Webdunia   |   Marunadan Malayaly   |   One India
 
Malayalam News
അഹമ്മദാബാദ്: രാഷ്ട്രപതി തിരഞ്ഞെടുപ്പിൽ ഗുജറാത്തിലെ വിമത ബി.ജെ.പി. എം.എൽ.എ. പാർട്ടിയുടെ സ്ഥാനാർഥിക്ക് എതിരെ വോട്ടു ചെയ്തു. ജനതാദൾ (യു) അംഗം പ്രതിഷേധ സൂചകമായി ബഹിഷ്കരിച്ചു. അമ്രേലി ജില്ലയിലെ ധാരിയിലെ എം.എൽ.എ.യായ നളിൻ കോത്താഡിയയാണ് ബി.ജെ.പി. സ്ഥാനാർഥിയായ രാംനാഥ് കോവിന്ദിന് എതിരെ വോട്ടു ചെയ്തതായി അറിയിച്ചത്. ഞാൻ ആർക്കാണ് വോട്ട് നൽകിയതെന്ന് പറയില്ല. പക്ഷേ, കോവിന്ദിനല്ല. 2015-ൽ ബി.ജെ.പി. പട്ടേൽ സമരത്തെ അടിച്ചമർത്തിയതിലുള്ള പ്രതിഷേധമാണിത് -അദ്ദേഹം മാധ്യമപ്രവർത്തകരോട് പറഞ്ഞു. കേശുഭായി പട്ടേലിന്റെ ഗുജറാത്ത് പരിവർത്തൻ പാർട്ടിയുടെ സ്ഥാനാർഥിയായാണ് കൊത്താദിയ ധാരിയിൽനിന്ന് 2012-ൽ വിജയിച്ചത്. പിന്നീട് പാർട്ടി ബി.ജെ.പി.യിൽ ലയിച്ചു. എന്നാൽ നേതൃത്വവുമായുള്ള അഭിപ്രായവ്യത്യാസങ്ങളെ തുടർന്ന് പാർട്ടിയിൽ നിന്ന് പുറത്താക്കപ്പെട്ടു. ഭറൂച്ചിലെ ഝഗഡിയയിലെ നിയമസഭാംഗമായ ഛോട്ടു വാസവ ജനതാദൾ (യു) വിന്റെ ഏക അംഗമാണ്. ആദിവാസി നേതാവുമാണ്. ആര് രാഷ്ട്രപതിയായാലും ആദിവാസികൾക്ക് ഗുണമില്ലെന്നും അതിലുള്ള പ്രതിഷേധം അറിയിക്കാനായി വിട്ടു നിൽക്കുകയാണെന്നും അദ്ദേഹം പ്രഖ്യാപിച്ചു. ഗുജറാത്തിലെ നാരാൺപുര എം.എൽ.എ.യായ ബി.ജെ.പി. അധ്യക്ഷൻ അമിത് ഷാ ഡൽഹിയിലാണ് വോട്ടു ചെയ്തത്. മറ്റ് 180 എം.എൽ.എ.മാരും തലസ്ഥാനമായ ഗാന്ധിനഗറിൽ വോട്ട് ചെയ്തു.
അഹമ്മദാബാദ്: രാഷ്ട്രപതി തിരഞ്ഞെടുപ്പിൽ ഗുജറാത്തിലെ വിമത ബി.ജെ.പി. എം.എൽ.എ. പാർട്ടിയുടെ സ്ഥാനാർഥിക്ക് എതിരെ വോട്ടു ചെയ്തു. ജനതാദൾ (യു) അംഗം പ്രതിഷേധ സൂചകമായി ബഹിഷ്കരിച്ചു. അമ്രേലി ജില്ലയിലെ ധാരിയിലെ എം.എൽ.എ.യായ നളിൻ കോത്താഡിയയാണ് ബി.ജെ.പി. സ്ഥാനാർഥിയായ രാംനാഥ് കോവിന്ദിന് എതിരെ വോട്ടു ചെയ്തതായി അറിയിച്ചത്. ഞാൻ ആർക്കാണ് വോട്ട് നൽകിയതെന്ന് പറയില്ല. പക്ഷേ, കോവിന്ദിനല്ല. 2015-ൽ ബി.ജെ.പി. പട്ടേൽ സമരത്തെ അടിച്ചമർത്തിയതിലുള്ള പ്രതിഷേധമാണിത് -അദ്ദേഹം മാധ്യമപ്രവർത്തകരോട് പറഞ്ഞു. കേശുഭായി പട്ടേലിന്റെ ഗുജറാത്ത് പരിവർത്തൻ പാർട്ടിയുടെ സ്ഥാനാർഥിയായാണ് കൊത്താദിയ ധാരിയിൽനിന്ന് 2012-ൽ വിജയിച്ചത്. പിന്നീട് പാർട്ടി ബി.ജെ.പി.യിൽ ലയിച്ചു. എന്നാൽ നേതൃത്വവുമായുള്ള അഭിപ്രായവ്യത്യാസങ്ങളെ തുടർന്ന് പാർട്ടിയിൽ നിന്ന് പുറത്താക്കപ്പെട്ടു. ഭറൂച്ചിലെ ഝഗഡിയയിലെ നിയമസഭാംഗമായ ഛോട്ടു വാസവ ജനതാദൾ (യു) വിന്റെ ഏക അംഗമാണ്. ആദിവാസി നേതാവുമാണ്. ആര് രാഷ്ട്രപതിയായാലും ആദിവാസികൾക്ക് ഗുണമില്ലെന്നും അതിലുള്ള പ്രതിഷേധം അറിയിക്കാനായി വിട്ടു നിൽക്കുകയാണെന്നും അദ്ദേഹം പ്രഖ്യാപിച്ചു. ഗുജറാത്തിലെ നാരാൺപുര എം.എൽ.എ.യായ ബി.ജെ.പി. അധ്യക്ഷൻ അമിത് ഷാ ഡൽഹിയിലാണ് വോട്ടു ചെയ്തത്. മറ്റ് 180 എം.എൽ.എ.മാരും തലസ്ഥാനമായ ഗാന്ധിനഗറിൽ വോട്ട് ചെയ്തു.
അഹമ്മദാബാദ്: രാഷ്ട്രപതി തിരഞ്ഞെടുപ്പിൽ ഗുജറാത്തിലെ വിമത ബി.ജെ.പി. എം.എൽ.എ. പാർട്ടിയുടെ സ്ഥാനാർഥിക്ക് എതിരെ വോട്ടു ചെയ്തു. ജനതാദൾ (യു) അംഗം പ്രതിഷേധ സൂചകമായി ബഹിഷ്കരിച്ചു. അമ്രേലി ജില്ലയിലെ ധാരിയിലെ എം.എൽ.എ.യായ നളിൻ കോത്താഡിയയാണ് ബി.ജെ.പി. സ്ഥാനാർഥിയായ രാംനാഥ് കോവിന്ദിന് എതിരെ വോട്ടു ചെയ്തതായി അറിയിച്ചത്. ഞാൻ ആർക്കാണ് വോട്ട് നൽകിയതെന്ന് പറയില്ല. പക്ഷേ, കോവിന്ദിനല്ല. 2015-ൽ ബി.ജെ.പി. പട്ടേൽ സമരത്തെ അടിച്ചമർത്തിയതിലുള്ള പ്രതിഷേധമാണിത് -അദ്ദേഹം മാധ്യമപ്രവർത്തകരോട് പറഞ്ഞു. കേശുഭായി പട്ടേലിന്റെ ഗുജറാത്ത് പരിവർത്തൻ പാർട്ടിയുടെ സ്ഥാനാർഥിയായാണ് കൊത്താദിയ ധാരിയിൽനിന്ന് 2012-ൽ വിജയിച്ചത്. പിന്നീട് പാർട്ടി ബി.ജെ.പി.യിൽ ലയിച്ചു. എന്നാൽ നേതൃത്വവുമായുള്ള അഭിപ്രായവ്യത്യാസങ്ങളെ തുടർന്ന് പാർട്ടിയിൽ നിന്ന് പുറത്താക്കപ്പെട്ടു. ഭറൂച്ചിലെ ഝഗഡിയയിലെ നിയമസഭാംഗമായ ഛോട്ടു വാസവ ജനതാദൾ (യു) വിന്റെ ഏക അംഗമാണ്. ആദിവാസി നേതാവുമാണ്. ആര് രാഷ്ട്രപതിയായാലും ആദിവാസികൾക്ക് ഗുണമില്ലെന്നും അതിലുള്ള പ്രതിഷേധം അറിയിക്കാനായി വിട്ടു നിൽക്കുകയാണെന്നും അദ്ദേഹം പ്രഖ്യാപിച്ചു. ഗുജറാത്തിലെ നാരാൺപുര എം.എൽ.എ.യായ ബി.ജെ.പി. അധ്യക്ഷൻ അമിത് ഷാ ഡൽഹിയിലാണ് വോട്ടു ചെയ്തത്. മറ്റ് 180 എം.എൽ.എ.മാരും തലസ്ഥാനമായ ഗാന്ധിനഗറിൽ വോട്ട് ചെയ്തു.
ലാഹോർ: ഇന്ത്യൻ ടിവി പരിപാടികൾക്ക് പാകിസ്താൻ ഇലക്ട്രോണിക് മീഡിയ റഗുലേറ്ററി അതോറിറ്റി ഏർപ്പെടുത്തിയിരുന്ന നിരോധനം ലാഹോർ ഹൈക്കോടതി നീക്കി. ഇന്ത്യൻ ചാനലുകളിലെ പരിപാടികൾ സംപ്രേക്ഷണം ചെയ്യുന്നതിന് ചാനലുകൾക്ക് തടസമില്ലെന്ന് കോടതി വ്യക്തമാക്കി. അധിക്ഷേപകരവും പാക് വിരുദ്ധവുമായ ഉള്ളടക്കം നീക്കം ചെയ്യാവുന്നതാണ്. എന്നാൽ പരിപാടി മൊത്തത്തിൽ നിരോധിക്കേണ്ട ആവശ്യമില്ലെന്ന് ലാഹോർ ഹൈക്കോടതി ചീഫ് ജസ്റ്റിസ് ഉത്തരവിട്ടു. ലോകം ആഗോള ഗ്രാമമായി മാറിക്കൊണ്ടിരിക്കുകയാണെന്നും ചീഫ് ജസ്റ്റിസ് നിരീക്ഷിച്ചു. ടിവി പരിപാടികൾ വിലക്കാൻ പാകിസ്താൻ ഇലക്ട്രോണിക് മീഡിയ റഗുലേറ്ററി അതോറിറ്റിക്ക് അധികാരമില്ലെന്നന്ന ഹർജിയിലായിരുന്നു ഉത്തരവ്. ഇന്ത്യൻ സിനിമകൾക്ക് രാജ്യത്താകമാനം പ്രദർശനാനുമതി നൽകുന്ന സർക്കാർ ടിവി പരിപാടികൾ നിരോധിക്കുന്നത് വഴി വിവേചനം കാണിക്കുകയാണെന്നും ഹർജിയിൽ ആരോപിച്ചതായി പാക് മാധ്യമങ്ങൾ റിപ്പോർട്ട് ചെയ്തു. ഇന്ത്യൻ സിനിമകൾക്ക് പാകിസ്താനിൽ ഏർപ്പെടുത്തിയിരുന്ന നിരോധനം ഈവർഷം ഫെബ്രുവരിയിലാണ് നീക്കിയത്. എന്നാൽ ടെലിവിഷൻ പരിപാടികൾക്കുള്ള വിലക്ക് തുടർന്നിരുന്നു.
കൊച്ചി: കേരളത്തിന്റെ അഭിമാനമായകൊച്ചി മെട്രോയുടെ ആദ്യമാസത്തെ വരുമാനം 4,62,27,594 രൂപ. യാത്രക്കൂലി ഇനത്തിലാണ് ഇത്രയും തുക മെട്രോ നേടിയത്. ഒരു മാസത്തെ കണക്കനുസരിച്ച് ശരാശരി 47,646 പേരാണ് മെട്രോയിൽ ഒരു ദിവസം സഞ്ചരിക്കുന്നത്. വാരാന്ത്യങ്ങളിലും അവധി ദിവസങ്ങളിലും യാത്രക്കാരുടെ എണ്ണത്തിൽ കാര്യമായ കുതിപ്പ് രേഖപ്പെടുത്തി. ഏറ്റവും തിരക്കുണ്ടായിരുന്ന ദിവസം 98,000 പേരാണ് മെട്രോയിൽ യാത്ര ചെയ്തത്. മെട്രോയെ രണ്ടും കൈയും നീട്ടി യാത്രക്കാരോട് നന്ദി പറയുന്നതായും മെട്രോയും സ്റ്റേഷനുകളും വൃത്തിയായി സൂക്ഷിക്കുന്നതിൽ യാത്രക്കാർ കാണിച്ച ശ്രദ്ധയേയും സൂഷ്മതയേയും അഭിനന്ദിക്കുന്നതായും മെട്രോ അധികൃതർ വാർത്താക്കുറിപ്പിൽ അറിയിച്ചു.
ന്യൂഡൽഹി: ഉപരാഷ്ടപതി സ്ഥാനാർഥിയായി വെങ്കയ്യ നായിഡു നാമനിർദേശ പത്രിക സമർപ്പിച്ചു.കേന്ദ്രമന്ത്രിസ്ഥാനം രാജിവച്ച ശേഷമാണ് അദ്ദേഹം ഉപരാഷ്ട്രപതിയായി നാമനിർദേശപത്രിക സമർപ്പിച്ചത്. ഇനി താൻ ബിജെപിയുടെ ഭാഗമല്ലെന്നും രാഷ്ട്രപതിയായാൽ ജനാധിപത്യ സംവിധാനങ്ങളെ ശക്തിപ്പെടുത്താനായി പ്രവർത്തിക്കുമെന്നും വെങ്കയ്യ നായിഡു പറഞ്ഞു. പ്രധാനമന്ത്രി നരേന്ദ്രമോദി, ബിജെപി അധ്യക്ഷൻ അമിത് ഷാ, പാർട്ടിയുടെ മുതിർന്ന നേതാവ് എൽ.കെ.അദ്ധ്വാനി എന്നിവർക്കൊപ്പമെത്തിയാണ് വെങ്കയ്യ നായിഡു നാമനിർദേശപത്രിക സമർപ്പിചച്ചത്. ഇവരെക്കൂടാതെ എൻഡിഎ ഘടകക്ഷികളും എൻഡിഎ ഇതര പാർട്ടികളായി ടിആർഎസ്, എഐഎഡിഎംകെ എന്നിവരുടെ നേതാക്കളും വെങ്കയ്യനായിഡുവിനെ അനുഗമിച്ചു. ആഗസ്റ്റ് അഞ്ചിനാണ് ഉപരാഷ്ട്രപതി തിരഞ്ഞെടുപ്പ്. ഉപരാഷ്ട്രപതിയാവാൻ തനിക്ക് താത്പര്യമുണ്ടായിരുന്നില്ലെന്ന വാർത്തകൾ തെറ്റാണെന്ന് വെങ്കയ്യ നായിഡു പറഞ്ഞു. എൻഡിഎ തന്നെ ഉപരാഷ്ട്പതി സ്ഥാനാർഥിയായി തിരഞ്ഞെടുത്തത് തനിക്കുള്ള ബഹുമതിയായി കാണുന്നുവെന്നും പരമോന്നതമായ പദവിയിലേക്ക് തിരഞ്ഞെടുക്കപ്പെട്ടാൽ അതൊരു അംഗീകാരമാണെന്നും അദ്ദേഹം പ്രതികരിച്ചു. 2019-ൽ മോദി അധികാരത്തിൽ തിരിച്ചെത്തണമെന്നായിരുന്നു തന്റെ ആഗ്രഹം. ആ ലക്ഷ്യം പൂർത്തിയാക്കി സാമൂഹ്യപ്രവർത്തനങ്ങളിൽ ശ്രദ്ധ കേന്ദ്രീകരിക്കാനാണ് ആഗ്രഹിച്ചിരുന്നത് മാധ്യമങ്ങളോടായി വെങ്കയ്യ നായിഡു പറഞ്ഞു. ശക്തനായ ഒരു നേതാവിനെയാണ് രാജ്യത്തിന് ലഭിച്ചത്. അദേഹത്തിലൂടെ ഈ രാജ്യത്തെ നമ്മുക്ക് മുന്നോട്ട് നയിക്കാൻ സാധിക്കണം. അതായിരുന്നു ഞാനാഗ്രഹിച്ചത്.... ചിലർ പറയുന്നത് പോലെ മന്ത്രിയായി തുടരാനായിരുന്നു എനിക്ക് ആഗ്രഹം എന്ന വാർത്ത തെറ്റാണ്. ഇപ്പോൾ ഞാന്റെ എന്റെ മനസിനെ പാകപ്പെടുത്തി കഴിഞ്ഞു. മോദി വീണ്ടും അധികാരത്തിലെത്തുന്നത് കാണണമെന്നും അതിന് ശേഷം രാഷ്ട്രീയപ്രവർത്തനം നിർത്തി സാമൂഹികപ്രവർത്തനങ്ങൾ സജീവമാക്കണമെന്നുമായിരുന്നു എന്റെ ആഗ്രഹം. ഇക്കാര്യം എന്റെ സഹമന്ത്രിമാരോടും ഞാൻ പറഞ്ഞിരുന്നു. പക്ഷേ വിധി മറ്റൊന്നാണ് തീരുമാനിച്ചത്... പാർട്ടിക്കും ജനങ്ങൾക്കുമൊപ്പമുള്ള ജീവിതം താൻ ഏറെ ആസ്വദിച്ചിരുന്നുവെന്നും ചെറുപ്പത്തിൽ അമ്മയെ നഷ്ടപ്പെട്ട തനിക്ക് പാർട്ടിയായിരുന്നു എല്ലാമെന്നും പറഞ്ഞ വെങ്കയ്യ അമ്മയെ പോലെ സ്നേഹിക്കുന്ന പാർട്ടിയിൽ നിന്നുള്ള പടിയിറക്കം വേദന നിറഞ്ഞതാണെന്നും കൂട്ടിച്ചേർത്തു.
അഹമ്മദാബാദ്: രാഷ്ട്രപതി തിരഞ്ഞെടുപ്പിൽ ഗുജറാത്തിലെ വിമത ബി.ജെ.പി. എം.എൽ.എ. പാർട്ടിയുടെ സ്ഥാനാർഥിക്ക് എതിരെ വോട്ടു ചെയ്തു. ജനതാദൾ (യു) അംഗം പ്രതിഷേധ സൂചകമായി ബഹിഷ്കരിച്ചു. അമ്രേലി ജില്ലയിലെ ധാരിയിലെ എം.എൽ.എ.യായ നളിൻ കോത്താഡിയയാണ് ബി.ജെ.പി. സ്ഥാനാർഥിയായ രാംനാഥ് കോവിന്ദിന് എതിരെ വോട്ടു ചെയ്തതായി അറിയിച്ചത്. ഞാൻ ആർക്കാണ് വോട്ട് നൽകിയതെന്ന് പറയില്ല. പക്ഷേ, കോവിന്ദിനല്ല. 2015-ൽ ബി.ജെ.പി. പട്ടേൽ സമരത്തെ അടിച്ചമർത്തിയതിലുള്ള പ്രതിഷേധമാണിത് -അദ്ദേഹം മാധ്യമപ്രവർത്തകരോട് പറഞ്ഞു. കേശുഭായി പട്ടേലിന്റെ ഗുജറാത്ത് പരിവർത്തൻ പാർട്ടിയുടെ സ്ഥാനാർഥിയായാണ് കൊത്താദിയ ധാരിയിൽനിന്ന് 2012-ൽ വിജയിച്ചത്. പിന്നീട് പാർട്ടി ബി.ജെ.പി.യിൽ ലയിച്ചു. എന്നാൽ നേതൃത്വവുമായുള്ള അഭിപ്രായവ്യത്യാസങ്ങളെ തുടർന്ന് പാർട്ടിയിൽ നിന്ന് പുറത്താക്കപ്പെട്ടു. ഭറൂച്ചിലെ ഝഗഡിയയിലെ നിയമസഭാംഗമായ ഛോട്ടു വാസവ ജനതാദൾ (യു) വിന്റെ ഏക അംഗമാണ്. ആദിവാസി നേതാവുമാണ്. ആര് രാഷ്ട്രപതിയായാലും ആദിവാസികൾക്ക് ഗുണമില്ലെന്നും അതിലുള്ള പ്രതിഷേധം അറിയിക്കാനായി വിട്ടു നിൽക്കുകയാണെന്നും അദ്ദേഹം പ്രഖ്യാപിച്ചു. ഗുജറാത്തിലെ നാരാൺപുര എം.എൽ.എ.യായ ബി.ജെ.പി. അധ്യക്ഷൻ അമിത് ഷാ ഡൽഹിയിലാണ് വോട്ടു ചെയ്തത്. മറ്റ് 180 എം.എൽ.എ.മാരും തലസ്ഥാനമായ ഗാന്ധിനഗറിൽ വോട്ട് ചെയ്തു.
മായാവതി എംപി സ്ഥാനം രാജിവച്ചു ചൈന അതിർത്തിയിൽ ഇന്ത്യ 73 റോഡുകൾ നിർമ്മിക്കുമെന്ന് കേന്ദ്രമന്ത്രി പാലക്കാട് ഒരുകോടിയുടെ അസാധുനോട്ടുകൾ പിടികൂടി മുംബൈയിൽ ഐഎഎസ് ദമ്പതിമാരുടെ മകനെ മരിച്ച് നിലയിൽ കണ്ടെത്തി പാക് ഷെല്ലാക്രമണം: കശ്മീരിൽ 50 വിദ്യാർഥികൾ സ്കൂളിൽ കുടുങ്ങി അമർനാഥ് തീർഥാടകർക്കുനേരെ ആക്രമണം നടത്തിയ മൂന്ന് ഭീകരരെ വധിച്ചുവെന്ന് സൈന്യം ഗോരക്ഷയുടെ പേരിലുള്ള ആക്രമണങ്ങൾ കേസെടുക്കണമെന്ന് സംസ്ഥാനങ്ങളോട് കേന്ദ്രം ഡി സിനിമാസ്: കൈയേറ്റം അന്വേഷിക്കൽ സങ്കീർണമെന്ന് റിപ്പോർട്ട്
ശ്രീനഗർ: വെടിനിർത്തൽ കരാർ ലംഘിച്ച് പാക് സൈന്യം ഷെല്ലാക്രമണം നടത്തിയതിനെത്തുടർന്ന് കശ്മീരിലെ 200 ഓളം വിദ്യാർഥികൾ വിവിധ സ്കൂളിൽ കുടങ്ങി. രജൗറി ജില്ലയിലെ നൗഷേര സെക്ടറിലാണ് സംഭവം. ഏറെനേരത്തിനുശേഷം സൈന്യം ബുള്ളറ്റ് പ്രൂഫ് വാഹനങ്ങളിൽ വിദ്യാർഥികളെ സാഹസികമായി രക്ഷപെടുത്തി. പ്രൈമറി സ്കൂളിലെ 12 വിദ്യാർഥികളെ സ്കൂളിൽനിന്ന് രക്ഷപെടുത്താൻ മാത്രമെ ആദ്യം സൈന്യത്തിന് കഴിഞ്ഞുള്ളുവെന്ന് പി.ടി.ഐ വാർത്താ ഏജൻസി റിപ്പോർട്ട് ചെയ്തു. ചൊവ്വാഴ്ച രാവിലെ മുതൽ കശ്മീരിലെ രജൗറി, പൂഞ്ച് ജില്ലകളിലെ വിവിധ സ്ഥലങ്ങൾ ലക്ഷ്യമാക്കി പാക് സൈന്യം ശക്തമായ വെടിവെപ്പും ഷെല്ലാക്രമണവും നടത്തിയിരുന്നു. കനത്ത ഷെല്ലാക്രമണത്തെ തുടർന്ന് 45 മുതൽ 50 വിദ്യാർഥികൾ വരെ നൗഷേര സെക്ടറിലെ സേഹറിലുള്ള ഗവ. സ്കൂളിൽ കുടുങ്ങിയതായി രജൗറി ഡെപ്യൂട്ടി കമ്മീഷണർ ഷാഹിദ് ഇഖാബാൽ ചൗധരി വാർത്താ ഏജൻസിയോട് പറഞ്ഞു. പ്രദേശത്തെ മറ്റ് സ്കൂളുകളിലാണ് 150 ഓളം വിദ്യാർഥികൾ കുടുങ്ങിയത്. ഉയരമുള്ള പ്രദേശത്തുള്ള സ്കൂളുകൾ ആയതിനാലാണ് ഇവിടെനിന്ന് വിദ്യാർഥികളെ രക്ഷപെടുത്താൻ ആദ്യം കഴിയാതെവന്നതെന്ന് സൈന്യം വ്യക്തമാക്കി.
ശബരിമല: കോൺഗ്രസ് അധ്യക്ഷ സോണിയ ഗാന്ധിക്ക് വേണ്ടി ശബരിമലയിൽ കളഭാഭിഷേകം നടന്നു. ഇന്ന് രാവിലെ തന്ത്രി കണ്ഠരര് രാജീവിന്റെ നേതൃത്വത്തിലാണ് കളഭാഭിഷേകം നടന്നത്. തിരുവിതാംകൂർ ദേവസ്വം ബോർഡ് പ്രസിഡന്റ് പ്രയാർ ഗോപാലകൃഷ്ണനാണ് സോണിയ ഗാന്ധിയുടെ പേരിൽ കളഭാഭിഷേകം നടത്തിയത്.
ആലപ്പുഴ: എഐടിയുസി യൂണിയൻ തൊഴിലാളികൾ നോക്കുകൂലി ആവശ്യപ്പെട്ടതിനെ തുടർന്ന് ദേശീയപാതയോരത്ത് ആലപ്പുഴ എസ്.ഡികോളേജിന് മുന്നിൽ ഇന്റർലോക്ക് കട്ടകൾ പതിക്കുന്ന പണി നിർത്തിവച്ചു. ആലപ്പുഴ എസ്ഡി കോളേജ് പരിസരത്തെ ദേശീയപാതയുടെ നടപ്പാതയിൽ ഇന്റർലോക്ക് കട്ടകൾ പതിക്കാൻ തീരുമാനിച്ചത്സ്ഥലം എംഎൽഎയും പൊതുമരാമത്ത് മന്ത്രിയുമായ ജി.സുധാകരന്റെ പ്രത്യേക നിർദേശപ്രകാരമായിരുന്നു. എന്നാൽ ഇതിനായി ടിപ്പർ ലോറിയിൽ ഇന്റർലോക്ക് കട്ടകൾ എത്തിച്ചപ്പോൾ ആണ് നോക്കുകൂലി ആവശ്യപ്പെട്ട് എഐടിയുസി തൊഴിലാളികൾ രംഗത്ത് വന്നത്. ലോഡൊന്നിന് രണ്ടായിരം രൂപവച്ചു നൽകണമെന്നായിരുന്നു തൊഴിലാളികളുടെ ആവശ്യം. ഗതികെട്ട കരാറുകാർ 1200 രൂപ വരെ നൽകാമെന്ന് പറഞ്ഞെങ്കിലും 2000 തന്നെ കിട്ടണമെന്ന കർശന നിലപാടിലായിരുന്നു തൊഴിലാളികൾ. നോക്കുകൂലി കിട്ടാതെ വന്നതോടെ ഇന്റർലോക്ക് പണിക്കെത്തിയ പതിനഞ്ച് തൊഴിലാളികളേയും എഐടിയുസിക്കാർ തിരിച്ചയച്ചു. പാണി പാതി വഴിയിൽ നിലച്ചതോടെ എസ്.ഡി കോളേജിന് മുന്നിലൂടെ നടക്കാൻ സാധിക്കാത്ത അവസ്ഥയാണ് നാട്ടുകാർക്ക്. അതേസമയം കരാറുകാരുടെ ആരോപണം അടിസ്ഥാനരഹിതമാണെന്നും തൊഴിലാളികളാരും നോക്കുകൂലി ആവശ്യപ്പെട്ടിട്ടില്ലെന്നും എഐടിയുസി ജില്ലാ സെക്രട്ടറി മോഹൻദാസ് പറഞ്ഞു.ജില്ലാ കളക്ടർക്കോ ലേബർ ഓഫീസർക്കോ എഐടിയുസി നേതാക്കൾക്കോ ഇതേക്കുറിച്ചൊരു പരാതി ഇതുവരെ ലഭിച്ചിട്ടില്ലെന്നും അദ്ദേഹം വ്യക്തമാക്കി.
വാഷിങ്ടൺ: ജീവനുണ്ടെന്ന് നമുക്കുറപ്പുള്ള ഒരേയൊരു ഇടം ഭൂമിയാണ്. ഭൂമിയലല്ലാതെ മറ്റെവിടെ എങ്കിലും ജീവൻ നിലനിൽക്കുന്നുണ്ടോ എന്നത് ഏറെക്കാലമായി ശാസ്ത്രം ഉത്തരം തേടുന്ന വിഷയമാണ്. അതുകൊണ്ട് തന്നെ 11 പ്രകാശവർഷമകലെ ഒരു കുള്ളൻ നക്ഷത്രത്തിന്റെ ദിശയിൽ നിന്നെത്തുന്ന വിചിത്ര റേഡിയോതരംഗങ്ങൾ ആകാംക്ഷയുണർത്തുന്നു. അമേരിക്കയിൽ പോർട്ടോ റിക്കോ യൂണിവേഴ്സിറ്റിയിലെ ഗവേഷകരാണ് റേഡിയോ തരംഗങ്ങൾ എത്തുന്ന കാര്യം കണ്ടെത്തിയത്. അന്യഗ്രഹജീവികളാകാം ഈ സിഗ്നലുകൾ പുറപ്പെടുവിക്കുന്നതെന്ന കാര്യം തള്ളിക്കളയാൻ കഴിയില്ലെന്ന്, പോർട്ടോ റിക്കോയിലെ അസ്ട്രോബയോളജിസ്റ്റായ ആബൽ മെൻഡസ് പറയുന്നു. റോസ് 128 ( Ross 128 - GJ 447 ) എന്ന ഒരു കുള്ളൻ നക്ഷത്രത്തിന്റെ ( dwarf star ) ദിശയിൽ നിന്നുള്ളതാണ് റേഡിയോ തരംഗങ്ങൾ. സൂര്യനെ അപേക്ഷിച്ച് തിളക്കം 2,800 മടങ്ങ് കുറവുള്ള നക്ഷത്രമാണിത്. ഇതിന് ഗ്രഹങ്ങളൊന്നും ഉള്ളതായി കണ്ടെത്തിയിട്ടില്ല. റേഡിയോതരംഗങ്ങളുടെ സാന്നിധ്യം തിരിച്ചറിയപ്പെട്ടിട്ടുണ്ടെങ്കിലും, ഏതെങ്കിലും തരത്തിലുള്ള ജീവികളെക്കുറിച്ച് സൂചന ലഭിച്ചിട്ടില്ലെന്ന് മെൻഡസ് പറയുന്നു. കുള്ളൻ നക്ഷത്രത്തിന്റെ ദിശയിൽ നിന്നാണ് എത്തുന്നതെങ്കിലും, റേഡിയോ തരംഗങ്ങളുടെ ഉത്ഭവകേന്ദ്രം മറ്റെന്തെങ്കിലുമാകാനും സാധ്യതയുണ്ട്. കൃത്രിമോപഗ്രഹങ്ങൾ പോലെ ബഹിരാകാശത്തുള്ള ഏതെങ്കിലും മനുഷ്യനിർമിത വസ്തുക്കളിൽനിന്ന് വരുന്നതാകാനും സാധ്യതയുണ്ടെന്ന് ഗവേഷകർ പറയുന്നു.
മുംബൈ ഓഹരി വിപണിയൽ നഷ്ടത്തോടെ തുടക്കം. സെൻസെക്സ് 239 പോയന്റ് നഷ്ടത്തിൽ 31,835ലും നിഫ്റ്റി 56 പോയന്റ് താഴ്ന്ന് 9859ലുമാണ് വ്യാപാരം നടക്കുന്നത്. ജിഎസ്ടിയുടെ ഭാഗമായിഐടിസി സിഗരറ്റിന് സെസ് ചുമത്തിയതാണ് വിപണിയിൽ പ്രതിഫലിച്ചത്. ഐടിസിയുടെ ഓഹരി വില 13 ശതമാനത്തോളം ഇടിഞ്ഞു. എച്ച്ഡിഎഫ്സി, ഇൻഫോസിസ്, ടിസിഎസ്, വിപ്രോ, എസിസി തുടങ്ങിയ ഓഹരികൾ നേട്ടത്തിലും ഐടസി, ഭാരതി എയർടെൽ തുടങ്ങിയവ നഷ്ടത്തിലുമാണ്.
കൊച്ചി: 2011-ൽ മറ്റൊരു നടിയെ തട്ടിക്കൊണ്ടു പോകാൻ ശ്രമിച്ച കേസിൽ ഒരാൾ അറസ്റ്റിൽ. കോതമംഗലം സ്വദേശി എബിൻ എന്നയാളെയാണ് എറണാകുളം സെൻട്രൽ പോലീസ് അറസ്റ്റ് ചെയ്തത്. യുവനടിയെ ആക്രമിച്ച കേസിൽ റിമാൻഡിൽ കഴിയുന്ന ഒന്നാം പ്രതി പൾസർ സുനിയാണ് ഈ കേസിലേയും മുഖ്യപ്രതി. നടിയെ തട്ടിക്കൊണ്ടു പോകാനായി ഉപയോഗിച്ച് ടെമ്പോ ട്രാവലറിന്റെ ക്ലീനറായിരുന്നു എബിൻ. നിർമാതാവ് ജോണി സാഗരികയുടെ പരാതിയെത്തുടർന്ന് ഇന്നലെ പോലീസ് ഈ സംഭവത്തിൽ കേസെടുത്തിരുന്നു. ്ജോണി സാഗരിക നിർമിച്ച ഓർക്കൂട്ട് ഒരു ഓർമക്കൂട്ട് എന്ന സിനിമയുടെ ചിത്രീകരണത്തിനിടെ നടിയെ ടെമ്പോ ട്രാവലറിൽ തട്ടിക്കൊണ്ടുപോകുകയായിരുന്നു. എറണാകുളം റെയിൽവേ സ്റ്റേഷനിൽ നിന്ന് യുവനടിയെ തട്ടിക്കൊണ്ടുപോകാനാണ് ലക്ഷ്യമിട്ടിരുന്നത്. എന്നാൽ, ആളുമാറി മറ്റൊരു നടിയെയാണ് തട്ടിക്കൊണ്ടുപോയത്. വാഹനം റൂട്ട് മാറി സഞ്ചരിച്ചതോടെ നിർമാതാവിനെയും ഭർത്താവിനെയും നടി ഫോണിൽ വിളിച്ച് വിവരമറിയിച്ചു. ഇതോടെ കുമ്പളത്തെ സ്വകാര്യ റിസോർട്ടിനുമുന്നിൽ നടിയെ ഇറക്കി ഇവർ രക്ഷപ്പെടുകയായിരുന്നു. ജോണി സാഗരികയുടെതന്നെ പരാതിയിലാണ് കേസെടുത്തത്. സംഭവസമയത്ത് ജോണി സാഗരികയുടെ ഡ്രൈവറായിരുന്നു സുനി. സംഭവസമയത്ത് രേഖാമൂലം പരാതികൾ ലഭിച്ചിരുന്നില്ല. അതിനാലാണ് കേസെടുക്കാതിരുന്നതെന്ന് സെൻട്രൽ സ്റ്റേഷൻ എസ്.ഐ. വി. വിമൽ പറഞ്ഞു. തട്ടിക്കൊണ്ടുപോകൽ, ഗൂഢാലോചന എന്നീ കുറ്റങ്ങളാണ് ചുമത്തിയിരിക്കുന്നത്. ജോണി സാഗരികയുടെ മൊഴി രേഖപ്പെടുത്തി. സുനിയെ കസ്റ്റഡിയിൽ വാങ്ങി മൊഴിയെടുക്കാനുള്ള നടപടികൾ സ്വീകരിക്കുമെന്നും പോലീസ് പറഞ്ഞു.
കൽപ്പറ്റ: പ്രായപൂർത്തിയാകാത്ത ആൺകുട്ടികളെ ലൈംഗികമായി പീഡിപ്പിച്ച സംഭവത്തിൽ ഒളിവിലായിരുന്ന വൈദികൻ പിടിയിൽ. കൊട്ടിയൂർ സ്വദേശിയായ സജി ജോസഫാണ് മംഗലാപുരത്ത് വെച്ച് പിടിയിലായത്. മീനങ്ങാടിക്കടുത്തുള്ള ബാലഭവനിലെ കുട്ടികളാണ് പീഡനത്തിനിരയായത്. ഇവിടെ വൈദികനായിരുന്ന സജിയുടെ പേരിൽ പോക്സോ നിയമപ്രകാരം മീനങ്ങാടി പോലീസ് കേസെടുത്തിരുന്നു. സ്കൂൾ അവധിക്കാലത്ത് വൈദികൻ ലൈംഗികമായി പീഡിപ്പിച്ചെന്നാണ് ആൺകുട്ടികൾ മൊഴി നൽകിയത്. 2016-17 അധ്യയന വർഷത്തിലാണ് കേസിനാസ്പദമായ സംഭവം. ഇതേക്കുറിച്ച് സൂചന ലഭിച്ചതോടെ ചൈൽഡ് ലൈൻ പ്രവർത്തകർ കുട്ടികളെ കൗൺസലിങ്ങിന് വിധേയരാക്കിയതിനെ തുടർന്നാണ് പീഡന വിവരം പുറത്തറിഞ്ഞത്. ചൈൽഡ് ലൈൻ നൽകിയ റിപ്പോർട്ടിന്റെ അടിസ്ഥാനത്തിലാണ് മീനങ്ങാടി പോലീസ് കുട്ടികളുടെ മൊഴി രേഖപ്പെടുത്തിയത്. സംഭവം നടന്ന ബാലഭവൻ ഇപ്പോൾ പ്രവർത്തിക്കുന്നില്ല.
തിരുവനന്തപുരം: കേരളം അളന്നുതിട്ടപ്പെടുത്താൻ സർക്കാർ സ്വകാര്യ ഏജൻസികളുടെ സഹായം തേടുന്നു. 50 വർഷംമുമ്പ് തുടങ്ങിയ റീസർവേ നടപടികൾ പകുതിപോലുമാകാത്ത സാഹചര്യത്തിലാണ് പദ്ധതിക്ക് റവന്യൂ-സർവേ വകുപ്പ് രൂപംനൽകിയത്. പദ്ധതിക്ക് ആസൂത്രണബോർഡ് അംഗീകാരം നൽകി. എത്ര തുക വേണമെങ്കിലും ഇതിനായി നീക്കിവെയ്ക്കാമെന്നും ബോർഡ് വ്യക്തമാക്കി. രണ്ടുവർഷംകൊണ്ട് സർവേ പൂർത്തിയാക്കി ഭൂമിയുടെ രേഖകൾ ഡിജിറ്റലാക്കുകയാണ് ലക്ഷ്യം. വസ്തുവിന്റെ നമ്പർ നൽകിയാൽ സ്ഥലത്തിന്റെ സ്കെച്ചും അതിർത്തിയുമെല്ലാമടക്കം ഡിജിറ്റലായി ലഭ്യമാക്കുന്നതാണ് പദ്ധതി. സ്വകാര്യ ഏജൻസിയെ നിയോഗിക്കുന്ന കാര്യത്തിൽ നയപരമായ തീരുമാനം വേണ്ടതിനാൽ മന്ത്രിസഭ പരിഗണിക്കേണ്ടതുണ്ട്. കേന്ദ്ര, സംസ്ഥാന സർക്കാരുകൾ അംഗീകരിച്ച ഏജൻസികളെയും സർവേ പരിശീലന ഇൻസ്റ്റിറ്റിയൂട്ടിൽനിന്ന് പരിശീലനം ലഭിച്ചവരെയും ഉൾപ്പെടുത്തി പദ്ധതി നടപ്പാക്കാനാണ് നീക്കം. ഇവർ നടത്തുന്ന സർവേ റിപ്പോർട്ട് സർവേവകുപ്പ് ഉദ്യോഗസ്ഥർ പരിശോധിച്ച് തുടർനടപടിയെടുക്കും. ഉപഗ്രഹ ചിത്രങ്ങളും അത്യാധുനിക ഉപകരണങ്ങളും ഉപയോഗിച്ചായിരിക്കും സർവേ. മുൻ എൽ.ഡി.എഫ്. സർക്കാർ സ്വകാര്യ പങ്കാളിത്തത്തോടെയുള്ള സർവേയ്ക്കായി ഭൂമികേരളം പദ്ധതി തയ്യാറാക്കിയിരുന്നെങ്കിലും ജീവനക്കാരുടെ എതിർപ്പിനെത്തുടർന്ന് നടന്നില്ല. സർവേ വകുപ്പിലെ പ്രബലമായ സി.പി.ഐ. സംഘടനയാണ് എതിർപ്പുയർത്തിയത്. 25 വർഷംകൂടി എടുത്താലും സർവേ ജീവനക്കാരെക്കൊണ്ട് ഈ പ്രവൃത്തി പൂർത്തിയാക്കാനാകില്ലെന്ന് ബോധ്യപ്പെട്ട സാഹചര്യത്തിൽ ഈ എതിർപ്പിന്റെ ശക്തിചോർന്നു. സി.പി.ഐ. നേതൃത്വംകൂടി പിന്തുണ അറിയിച്ചതോടെ റവന്യൂമന്ത്രി ഇ. ചന്ദ്രശേഖരൻ ഉന്നതതലയോഗം വിളിച്ച് ഇക്കാര്യം ചർച്ചചെയ്തു. റവന്യൂമന്ത്രിയുടെ ജില്ലയായ കാസർകോട് ആറുമാസം കൊണ്ട് സർവേ പൂർത്തിയാക്കാൻ അധികം ജീവനക്കാരെ നിയമിച്ച് പരീക്ഷിച്ചിരുന്നു. മൂന്നുമാസം കഴിഞ്ഞിട്ടും പത്ത് വില്ലേജിൽപോലും പൂർത്തിയാക്കാനായില്ല. റീസർവേ നടന്ന സ്ഥലങ്ങളിൽ 1,18,605 പരാതികൾ കെട്ടിക്കിടക്കുന്നു. ഈ സാഹചര്യമെല്ലാം പരിഗണിച്ചാണ് സ്വകാര്യ ഏജൻസികളെകൂടി ഉൾപ്പെടുത്തി സർവേ നടത്താൻ സർക്കാർ പദ്ധതിയിടുന്നത്. കർണാടകയടക്കമുള്ള ചില സംസ്ഥാനങ്ങളിൽ ഇതേ മാതൃകയിൽ സർവേ പൂർത്തിയാക്കിയിട്ടുണ്ട്. സർവേയിൽ കേരളം ആകെ വില്ലേജുകൾ: 1572 റീസർവേ നടന്നത്: 745 നടന്നുകൊണ്ടിരിക്കുന്നത്: 140 തുടങ്ങാത്തത്: 719 കേരളത്തിന്റെ വിസ്തൃതി ആകെ: 38,863 ചതുരശ്ര കിലോമീറ്റർ വനം: 10,546 ചതുരശ്ര കിലോമീറ്റർ
മുംബൈ: പ്രധാന എതിരാളിയായ സ്നാപ്ഡീലിനെ സ്വന്തമാക്കാനുറച്ച് ഓൺലൈൻ മാർക്കറ്റിലെ അതികായരായ ഫ്ളിപ്കാർട്ട്. ഇത് സംബന്ധിച്ച ആദ്യനീക്കം പരാജയപ്പെട്ടിരുന്നു. ഇതിനു പിന്നാലെയാണ് 850 മില്ല്യൺ ഡോളറിന്റെ പുതിയ വാഗ്ദാനവുമായി രംഗത്തെത്തിയിരിക്കുന്നത്. കഴിഞ്ഞ ദിവസം ചേർന്ന ഫ്ളിപ്കാർട്ട് ബോർഡ് യോഗത്തിലാണ് പുതിയ തീരുമാനമുണ്ടായത്. തുടർന്ന് സ്നാപ്ഡീലിന്റെ മാതൃകമ്പനിയായ ജാസ്പർ ഇൻഫോടെക്കിനെ അറിയിക്കുകയായിരുന്നു. ആദ്യം 500 മുതൽ 600 മില്ല്യൺ ഡോളറിന് സ്നാപ്ഡീൽ ഏറ്റെടുക്കാനായിരുന്നു ഫ്ളിപ്കാർട്ട് സന്നദ്ധത അറിയിച്ചത്. ഓൺലെൻ വ്യാപാര ശൃഖലയായ സ്നാപ്ഡീൽ, ലോജസ്റ്റിക് കമ്പനിയായ വോൾകാൻ എക്സ്പ്രസ്, ഒൺലൈൻ മാനേജ്മെന്റ് ബിസിനസ് സ്ഥാപനമായ യൂണികൊമേഴ്സ് ഇസൊലൂഷൻസ് എന്നീ മൂന്ന് കമ്പനികളാണ് 850 മില്ല്യൺ ഡോളർ നല്കി ഫ്ളിപ്കാർട്ട് ഏറ്റെടുക്കുന്നത്. എന്നാൽ, സ്നാപ്ഡീലിന്റെ ഓൺലൈൻ പേമെന്റ് പ്ലാറ്റ്ഫോമായ ഫ്രീചാർജിനെ ഇടപാടിൽനിന്നു ഒഴിവാക്കിയിട്ടുണ്ട്.
കൊച്ചി: നടി ആക്രമിക്കപ്പെട്ട കേസിലെ അന്വേഷണ സംഘം ഇപ്പോൾ അപ്പുണ്ണിയുടെ പിന്നാലെയാണ്. കേസ് പൾസർ സുനിയിലൂടെ നടൻ ദിലീപിലേക്ക് നീങ്ങുമ്പോൾ മുതൽ കേൾക്കാൻ തുടങ്ങിയതാണ് അപ്പുണ്ണി എന്ന പേര്. അപ്പുണ്ണിയെ തേടി അയാളുടെ വീട്ടിലെത്തിയ മാധ്യമപ്രവർത്തകർക്കു മുമ്പിൽ വീട്ടുകാരും കൈ മലർത്തി. ആരാണ് അപ്പുണ്ണി? ദിലീപിന്റെ മാനേജർ എന്നാണ് സിനിമാരംഗം അപ്പുണ്ണിയെ വിശേഷിപ്പിക്കുന്നത്. കൊച്ചി ഏലൂർ ഉദ്യോഗമണ്ഡൽ സ്വദേശിയായ സുനിൽരാജ് എന്ന അപ്പുണി ദിലീപിന്റെ ഡ്രൈവറായെത്തുന്നത് ആറ് വർഷം മുൻപാണ്. ലൊക്കേഷനുകളിൽ ഡ്രൈവറായിരുന്ന സഹോദരനാണ് അപ്പുണിയെ സിനിമാ മേഖലയിൽ എത്തിച്ചത്. ഡ്രൈവർ കുപ്പായത്തിൽ നിന്ന് ദിലീപിന്റെ വിശ്വസ്തനായ മാനേജറുടെ റോളിലേക്ക് വളരെപ്പെട്ടന്ന് അപ്പുണി മാറുകയും ചെയ്തു. പൾസർ സുനിയുടെ സഹതടവുകാരനായ വിഷ്ണുവുമായി അപ്പുണി കൂടിക്കാഴ്ച്ച നടത്തിയിരുന്നതായി അന്വേഷണസംഘം കണ്ടെത്തിയിരുന്നു. അവർ തമ്മിലുള്ള സംഭാഷണവും കേരളം കേട്ടതാണ്. ഇക്കാരണം കൊണ്ടുതന്നെയാണ് അന്വേഷണസംഘം അപ്പുണിക്കായി വലവിരിച്ചിരിക്കുന്നതും. എന്നാൽ നടി ആക്രമിക്കപ്പെട്ട സംഭവത്തിൽ ദിലീപ് അറസ്റ്റിലായതോടെ അപ്പുണി ഒളിവിലാണ്. ദിലീപിനേയും അപ്പുണ്ണിയേയും ഒന്നിച്ചിരുത്തി ചോദ്യം ചെയ്യാനായിരുന്നു അന്വേഷണ സംഘത്തിന്റെ പദ്ധതി. എന്നാൽ അപ്പോഴേക്കും അപ്പുണ്ണി ഒളിവിൽ പോയിരുന്നു. പണം ആവശ്യപ്പെട്ട് ഫോൺ ചെയ്തപ്പോൾ അപ്പുണ്ണി സുനിയോട് കയർത്തു സംസാരിച്ചതിന്റെ ശബ്ദരേഖയാണ് പുറത്തു വന്നത്. നിരപരാധിയാണെങ്കിൽ അപ്പുണ്ണി എന്തിന് ഒളിവിൽ പോയി എന്ന ചോദ്യത്തിന് ഇപ്പോഴും ഉത്തരമില്ല. അപ്പുണിയെത്തേടി മാതൃഭൂമി ന്യൂസ് സംഘം ഉദ്യോഗമണ്ഡലിലെ വീട്ടിലെത്തിയെങ്കിലും കുറെ ദിവസമായി ആളിവിടെയില്ലെന്ന വിവരമാണ് ലഭിച്ചത്. മാധ്യമങ്ങളോട് സംസാരിക്കാൻ താൽപ്പര്യമില്ലെന്നും വീട്ടുകാർ പറഞ്ഞു.അപ്പുണിക്കായി കേരളത്തിനകത്തും പുറത്തും പോലീസ് അന്വേഷണം ഊർജിതമാക്കിയിട്ടുണ്ട്. മുൻകൂർ ജാമ്യത്തിനായി ഇയാൾ കോടതിയെ സമീപിക്കാനുള്ള സാധ്യതയും അന്വേഷണസംഘം തള്ളിക്കളയുന്നില്ല.
കൊച്ചി: 2011ൽ നടിയെ തട്ടിക്കൊണ്ടുപോകാൻ ശ്രമിച്ച സംഭവത്തിൽ പൾസർ സുനി അടക്കം അഞ്ചുപേർ ഉൾപ്പെട്ടിരുന്നതായി പോലീസ്. ഈ കേസിൽ കൂടുതൽ അന്വേഷണത്തിന് സുനിയെ പോലീസ് കസ്റ്റഡിയിൽ വാങ്ങും. ഇതിൽ ഉൾപ്പെട്ടസുനിയെയും ഇന്നലെ പിടിയിലായ എബിനെയും കൂടാതെ മറ്റു മൂന്നുപേരെയും പോലീസ് തിരിച്ചറിഞ്ഞിട്ടുണ്ട്. പൾസർ സുനി അടക്കമുള്ള മറ്റൊരു കൊട്ടേഷൻ സംഘമാണ് ഇതിനു പിന്നിൽ പ്രവർത്തിച്ചത്. സംഭവത്തിൽ ഉൾപ്പെട്ട രണ്ടു പേർകൂടി കസ്റ്റഡിയിലായിട്ടുണ്ട്. ഈ കേസിൽ ഇന്നലെയാണ് പോലീസ് കേസ് രജിസ്റ്റർ ചെയ്തത്. ജോണി സാഗരിക നിർമിച്ച ഓർക്കൂട്ട് ഒരു ഓർമക്കൂട്ട് എന്ന സിനിമയുടെ ചിത്രീകരണത്തിനിടെയാണ് നടിയെ ടെമ്പോ ട്രാവലറിൽ തട്ടിക്കൊണ്ടുപോകാൻ ശ്രമിച്ചത്. എറണാകുളം റെയിൽവേ സ്റ്റേഷനിൽ എത്തിയ നടിയെ ടെമ്പോ ട്രാവലറിൽ എത്തി തട്ടിക്കൊണ്ടുപോവുകയായിരുന്നു. ഒരു യുവനടിയെ തട്ടിക്കൊണ്ടുപോകാനാണ് ലക്ഷ്യമിട്ടിരുന്നതെങ്കിലും ആളുമാറിയാണ് ഈ നടിയെ തട്ടിക്കൊണ്ടുപോയത്. വാഹനം റൂട്ട് മാറി സഞ്ചരിച്ചതോടെ നിർമാതാവിനെയും ഭർത്താവിനെയും നടി ഫോണിൽ വിളിച്ച് വിവരമറിയിച്ചു. ഇതോടെ കുമ്പളത്തെ സ്വകാര്യ റിസോർട്ടിനുമുന്നിൽ നടിയെ ഇറക്കി സുനി രക്ഷപ്പെടുകയായിരുന്നു. ഹോട്ടൽ റപ്രസെന്റേറ്റീവ് എന്ന വ്യാജേന സമീപിച്ച വ്യക്തി കുറഞ്ഞ വാടകയ്ക്ക് മുറി നൽകാമെന്ന് പറഞ്ഞ് നിർമാതാവിനെ സമീപിച്ചിരുന്നു. ഇയാൾക്ക് ക്വട്ടേഷൻ സംഘവുമായി ബന്ധമുണ്ടെന്ന്പോലീസ് കണ്ടെത്തിയിട്ടുണ്ട്. തട്ടിക്കൊണ്ടുപോകൽ, ഗൂഢാലോചന എന്നീ കുറ്റങ്ങളാണ് സുനി അടക്കമുള്ള പ്രതികൾക്കെതിരെചുമത്തിയിരിക്കുന്നത്. ജോണി സാഗരികയുടെ മൊഴി ഇന്നലെരേഖപ്പെടുത്തി. ഈ കേസുമായി ബന്ധപ്പെട്ട് എറണാകുളം സിറ്റി പോലീസ് പൾസർ സുനിയെ കസ്റ്റഡിയിൽ ആവശ്യപ്പെടുമെന്ന് അന്വേഷണ സംഘം വ്യക്തമാക്കി. ഇന്ന് എറണാകുളം സിജെഎം കോടതിയിലാണ് കസ്റ്റഡി അപേക്ഷ നൽകുക. നാളെ സുനിയെ കസ്റ്റഡിയിൽ ലഭിക്കുമെന്നാണ് കരുതുന്നത്.
ചെന്നൈ: രാഷ്ട്രീയത്തിലിങ്ങാൻ ഉലകനായകൻ കമൽഹാസനെ വെല്ലുവിളിച്ച് തമിഴ്നാട് ധനമന്ത്രി ഡി ജയകുമാർ. സർക്കാരിനെതിരെ ആരോപണങ്ങൾ ഉന്നയിക്കുന്നത് താരത്തിന്റെ ശീലമായിരിക്കുന്നുവെന്ന് സൂചിപ്പിച്ച മന്ത്രി, കമൽഹാസ്സൻ എന്തുകൊണ്ട് ജയലളിത ഭരിച്ചു കൊണ്ടിരുന്നുപ്പോൾ മൗനം പാലിച്ചുവെന്നും സംശയമുന്നയിച്ചു. തമിഴ്നാട് സർക്കാരിൽ അഴിമതി തുടർക്കഥയാവുന്നുവെന്ന കമൽഹാസ്സന്റെ അഭിപ്രായ പ്രകടനത്തിനോട് പ്രതികരിക്കുകയായിരുന്നു അദ്ദേഹം. അതിനിടെ സൂപ്പർ ഹിറ്റ് റിയാലിറ്റി ഷോ ബിഗ് ബോസ്സിന്റെ തമിഴ് പതിപ്പ് കമൽഹാസ്സൻ കൈകാര്യം ചെയ്യുന്നതിനെതിരേയും വലിയ വിമർശനം ഉയരുന്നുണ്ട്. തമിഴ് സംസ്കാരത്തെ കരിവാരിത്തേക്കാനാണ് ഈ പരിപാടിയിലൂടെ അദ്ദേഹം ശ്രമിക്കുന്നതെന്ന് വിമർശനമുയർന്നിട്ടുണ്ട്. പരിപാടി നിരോധിക്കണമെന്നാണ് ഇവരുടെ ആവശ്യം. കമലിന്റെ ബിഗ് ബോസ്സ് ഷോയ്ക്കെതിരെ നിയമനടപടി സ്വീകരിക്കണമെന്നായിരുന്നു സംസ്ഥാന നിയമന്ത്രി സിവി ഷൺമുഖം അഭിപ്രായപ്പെട്ടത്. കമൽഹാസ്സന്റെ അഭിപ്രായ പ്രകടനത്തെ പിന്തുണച്ച് മുൻ മുഖ്യമന്ത്രി ഒ പനീർശെൽവം നേരത്തെ രംഗത്തെത്തിയിരുന്നു. ജനാധിപത്യ സംസ്കാരത്തിൽ അഭിപ്രായ പ്രകടനത്തിനുള്ള സ്വാതന്ത്ര്യം എല്ലാവർക്കും ഉണ്ടെന്നായിരുന്നു അദ്ദേഹത്തിന്റെ പ്രതികരണം. ആരോപണങ്ങൾ ഉന്നയിക്കുന്നവരെ ഭീഷണിപ്പെടുത്തുന്നതിനു പകരം തെറ്റാണെന്ന് തെളിയിക്കാൻ മന്ത്രിമാർക്കും രാഷ്ട്രീയക്കാർക്കും സാധിക്കണമെന്നും അദ്ദേഹം പറഞ്ഞു. കമൽഹാസന്റെ വിമർശനത്തോട് പലതരം അഭിപ്രായങ്ങൾ തമിഴ് രാഷ്ട്രീയത്തിൽ ഉയരുന്നുണ്ട്. അഴിമതി നടന്നിട്ടുണ്ടെങ്കിൽ അത് താരം തെളിയിക്കട്ടെ എന്നായിരുന്ന സംസ്ഥാന നഗരകാര്യ മന്ത്രി എസ്പി വേലുമണി അഭിപ്രായപ്പെട്ടത്. താരം അഭിനയിച്ച ചിത്രങ്ങളുടെ വരുമാന നികുതി സംബന്ധിച്ച കാര്യങ്ങൾ വെളിപ്പെടുത്താൻ അദ്ദേഹം തയ്യാറാണോ എന്നും വേലുമണി ചോദിച്ചു. അതേസമയംകമൽഹാസ്സനെ പിന്തുണച്ച് ഡിഎംകെ നേതാവ് എംകെ സ്റ്റാലിൻ രംഗത്തെത്തി. സർക്കാരിനെ വിലയിരുത്തുന്ന ഏതൊരാളും പറയുന്ന കാര്യങ്ങൾ മാത്രമേ കമൽഹാസ്സനും പറഞ്ഞിട്ടുള്ളൂവെന്നും അതിന്റെ പേരിൽ അദ്ദേഹത്തെ വേട്ടയാടേണ്ട കാര്യമില്ലെന്നും സ്റ്റാലിൻ അഭിപ്രായപ്പെട്ടു. ജനാധിപത്യ സംവിധാനത്തിൽ വിമർശനങ്ങളെ പോസിറ്റീവായി സമീപിക്കണമെന്നും സർക്കാരിന് തെറ്റുകൾ മനസ്സിലാക്കാൻ ഈ വിമർശനങ്ങളിലൂടെ സാധിക്കുമെന്നും സ്റ്റാലിൻ സൂചിപ്പിച്ചു.
ശ്രീനഗർ: അതിർത്തിയിൽ നുഴഞ്ഞുകയറാൻ ശ്രമിച്ച രണ്ട് ഭീകരരെ സൈന്യം വധിച്ചു. കശ്മീരിലെ ബന്ദിപ്പൊര ജില്ലയിലെ ഗുരേസ് സെക്ടറിലാണ് നിയന്ത്രണ രേഖയിലുണ്ടായ നുഴഞ്ഞുകയറ്റ ശ്രമം സൈന്യം പരാജയപ്പെടുത്തിയത്. ഏഴ് പേരടങ്ങുന്ന ഭീകരരുടെ സംഘം അർധരാത്രിക്കു ശേഷമാണ് നുഴഞ്ഞുകയറാൻ ശ്രമിച്ചത്. തുടർന്ന് ഭീകരർക്കു നേരെ സൈന്യം നടത്തിയ വെടിവെപ്പിലാണ് രണ്ട് ഭീകരർ കൊല്ലപ്പെട്ടത്. രണ്ടു ഭീകരർ പിടിയിലായതായും സൂചനയുണ്ട്. മറ്റുള്ളവർക്കായി മേഖലയിൽ സൈന്യം വ്യാപകമായ തിരച്ചിൽ നടത്തിവരികയാണ്. ഇന്ന് പുലർച്ചെ ബീംബർ ഗലിയിലെയും പൂഞ്ച് സെക്ടറിലെയും നിയന്ത്രണ രേഖയിൽ പാക് സൈന്യം വെടിവെപ്പും ഷെൽ ആക്രമണവും നടത്തിയിരുന്നു. സൈന്യം ശക്തമായി തിരിച്ചടി നൽകിയതായി സൈനിക വക്താവ് വ്യക്തമാക്കി. അതിർത്തിയിൽ ഭീകരർ നടത്തുന്ന നുഴഞ്ഞുകയറ്റത്തിന് പാക് സൈന്യം സഹായം ചെയ്തുകൊടുക്കുന്നതായി ഇന്ത്യ ആരോപിച്ചിരുന്നു.
തിരുവനന്തപുരം: ശ്രീ പത്മനാഭസ്വാമി ക്ഷേത്രത്തിലെ ബി നിലവറ രഹസ്യമെന്ന പേരിലുള്ള പ്രചരണങ്ങൾ വ്യാജമെന്ന് തെളിയുന്നു. നിലവറയെ ക്ഷേത്രാചാരവുമായി ബന്ധിപ്പിക്കുന്ന ഓഡിയോ ക്ലിപ്പിലെ ശബ്ദം വ്യാജമെന്ന് ക്ഷേത്രത്തിലെ കീഴ്ശാന്തിയും ശബരിമല മുൻ മേൽശാന്തിയുമായ ഗോശാല വിഷ്ണു വാസുദേവൻ നമ്പൂതിരി. തന്റെ പേരിലുള്ള വ്യാജ ക്ലിപ്പിനെതിരെ സൈബർ സെല്ലിന് പരാതി നൽകുമെന്ന് അദ്ദേഹം മാതൃഭൂമി ന്യൂസിനോട് പറഞ്ഞു. നാഗ ബന്ധന പൂട്ടിട്ട് അടച്ചിരിക്കുന്ന ബി നിലവറ തുറന്നാൽ കടലുമായി ബന്ധിപ്പിച്ചിരിക്കുന്ന തുരങ്കം വഴി കടൽ വെള്ളം ഇരച്ച് കയറുമെന്ന് വരെ പ്രചരണങ്ങളുണ്ട്. എന്നാൽ ഇതെല്ലാം യുക്തിക്ക് നിരക്കാത്തതാണെന്ന് പറയുന്ന പുതിയ ശബ്ദരേഖ പ്രചരിക്കുന്നത് ഗോശാല വിഷ്ണു വാസുദേവൻ നമ്പൂതിരിയുടെ പേരിലാണ്. ബി നിലവറയ്ക്ക് ക്ഷേത്രാചാരവുമായി ബന്ധമുണ്ടെന്നും നിധി അമൂല്യമാണെന്നും സ്ഥാപിക്കാൻ ചരിത്രത്തെ കൂട്ടുപിടിക്കുന്നതാണ് ശബ്ദരേഖ. സോഷ്യൽ മീഡിയയിൽ പ്രചരിക്കുന്ന ഓഡിയോ ക്ലിപ്പിലെ ശബ്ദം തന്റെതല്ലെന്നും വസ്തുതയെ കുറിച്ച് അറിവില്ലെന്നും അദ്ദേഹം മാതൃഭൂമി ന്യൂസിനോട് വ്യക്തമാക്കി. വ്യാജ ഓഡിയോ ക്ലിപ്പ് പ്രചരിക്കുന്ന സാഹചര്യത്തിൽ പോലീസ് ഹൈടെക്ക് സെല്ലിൽ പരാതി നൽകാൻ തീരുമാനിച്ചു. ബി നിലവറയെ ആചാരവുമായി ബന്ധിപ്പിക്കുന്ന കഥയ്ക്ക് ആധികാരികത കിട്ടാനാണ് ക്ഷേത്രം പൂജാരിയുടെ പേരിലുള്ള വ്യാജ പ്രചരണം.
ന്യൂഡൽഹി: നിയന്ത്രണ രേഖയിൽ ഇന്ത്യൻ സൈന്യത്തിനു നേരെയുള്ള പാകിസ്താന്റെ നീക്കങ്ങൾ തുർന്നാൽ ശക്തമായ തിരിച്ചടിയുണ്ടാവുമെന്ന് ഇന്ത്യയുടെ താക്കീത്. നിയന്ത്രണ രേഖയിൽ പാക് സൈന്യത്തിന്റെ പ്രകോപനം തുടരുന്ന സാഹചര്യത്തിലാണ് ഡയറക്ടർ ജനറൽ ഓഫ് മിലിട്ടറി ഓപ്പറേഷൻസ് ലഫ്. ജനറൽ എ.കെ ഭട്ടിന്റെ മുന്നറിയിപ്പ്.പാകിസ്താൻ ജനറൽ സഹീർ ഷംസാദ് മിർസയുമായി എ. കെ ഭട്ട് ഹോട്ട് ലൈനിൽ നടത്തിയ സംഭാഷണത്തിലാണ് മുന്നറിയിപ്പ് നൽകിയത്. നിയന്ത്രണ രേഖയിൽ പാക് സൈന്യം നടത്തുന്ന വെടിനിർത്തൽ കരാർ ലംഘനങ്ങൾക്ക് ഓരോന്നിനും ഇന്ത്യ തക്കസമയത്ത് ഉചിതമായ തിരിച്ചടി നൽകുമെന്ന് ഇന്ത്യ വ്യക്തമാക്കി. നിയന്ത്രണ രേഖയിൽ സമാധാനം ഉറപ്പുവരുത്തുന്ന കാര്യത്തിൽ ഇന്ത്യയ്ക്ക് ആത്മാർഥമായ നിലപാടാണുള്ളത്. എന്നാൽ ഇരു പക്ഷത്തുനിന്നുമുള്ള സഹകരണത്തോടെ മാത്രമേ അത് നടപ്പിൽവരുത്താൻ പറ്റൂ. എന്നാൽ തീവ്രവാദികൾക്ക് നുഴഞ്ഞുകയറുന്നതിന് പിൻതുണ നൽകുകയാണ് പാകിസ്താൻ സൈന്യം ചെയ്യുന്നത്- എ.കെ ഭട്ട് വ്യക്തമാക്കി. പാകിസ്താനിലും നിയന്ത്രണ രേഖയിലും തീവ്രവാദികൾക്ക് ലഭ്യമാകുന്ന അനുകൂല സാഹചര്യങ്ങൾ ഇപ്പോഴും മാറ്റമില്ലതെ തുടരുകയാണ്. പാകിസ്താൻ തീവ്രവാദികൾ പാക് സൈനിക താവളങ്ങൾക്കു സമീപത്തുകൂടിയാണ് പപ്പോഴും നുഴഞ്ഞുകയറുന്നത്. നുഴഞ്ഞുകയറ്റത്തിന് പാകിസ്താൻ നൽകുന്ന പിന്തുണ ഇതിൽനിന്ന് വ്യക്തമാണെന്ന് ഒരുസൈനിക വക്താവ് പറഞ്ഞു. കഴിഞ്ഞ ദിവസം രജൗറി സെക്ടറിൽ ഇന്ത്യൻ സൈനികർക്കു നേരെ നടത്തിയ ഷെൽ ആക്രമണത്തിൽ മുഹമ്മദ് നാസർ, മുദ്ദസർ അഹമ്മദ് എന്നീ സൈനികർ കൊല്ലപ്പെട്ടിരുന്നു. ആക്രമണത്തിൽ അഞ്ചുവയസ്സുള്ള പെൺകുട്ടിയും മരിച്ചിരുന്നു. ഇതിനു ശേഷമാണ് ഇന്ത്യൻ സൈനിക മേധാവി ലഫ്. ജനറൽ എ.കെ ഭട്ട് പാക് സൈന്യത്തിന് മുന്നറിയിപ്പ് നൽകിയത്. ഈ വർഷം മാത്രം നിയന്ത്രണരേഖയിൽ 238 വെടിനിർത്തൽ ലംഘനങ്ങളാണ് പാകിസ്താൻ നടത്തിയത്. അടുത്ത ഏതാനും ദിവസങ്ങളിൽ ഇത് വർധിച്ചതായും സൈന്യം വ്യക്തമാക്കുന്നു. 2014ൽ 153 തവണയും 2015ൽ 152 തവണയും പാകിസ്താന്റെ ഭാഗത്തുനിന്ന് വെടിനിർത്തൽ ലംഘനമുണ്ടായിരുന്നു.
കൊച്ചി: നടിയെ ആക്രമിക്കപ്പെട്ട കേസിലെ മുഖ്യപ്രതി സുനിൽകുമാർ എന്ന പൾസർ സുനിയുടെ റിമാൻഡ് കാലാവധി ഓഗസ്റ്റ് ഒന്നുവരെ നീട്ടി. ഇയാളുടെ ജാമ്യാപേക്ഷയിൽ 20ന് വാദം കേൾക്കും. ഇതേ കേസിലെ മറ്റു പ്രതികളുടെ ജാമ്യാപേക്ഷക്കൊപ്പം പരിഗണിക്കുന്നതിന് വേണ്ടിയാണ് വാദം കേൾക്കുന്നത് നീട്ടിവെച്ചത്. പോലീസ് കസ്റ്റഡിയിൽ നിന്ന് ലഭിക്കുന്ന മൊഴിക്ക് നിയമസാധുതയില്ലെന്ന് സുപ്രീംകോടതി വ്യക്തമാക്കിയിട്ടുണ്ട്. അതുകൊണ്ട് രഹസ്യമൊഴി നൽകാനാണ് പ്രതിയുടെ തീരുമാനം. സുനിയുമായി സംസാരിച്ച ശേഷം അടുത്ത ദിവസങ്ങളിൽ അതിനുള്ള അപേക്ഷ നൽകുമെന്നും ഇയാളുടെ അഭിഭാഷകൻ അഡ്വ.ബി.എ ആളൂർ പറഞ്ഞു. കേസിൽ സ്പെഷ്യൽ പബ്ലിക്പ്രോസിക്യൂട്ടറിന് വിശദമായ ഒബ്ജക്ഷൻ കോടതിയിൽ സമർപ്പിക്കേണ്ടതുണ്ട്.
ന്യൂഡൽഹി: എൻഡിഎയുടെ ഉപരാഷ്ട്രപതി സ്ഥാനാർഥിയായി കേന്ദ്രമന്ത്രി വെങ്കയ്യ നായിഡുവിനെ നിശ്ചയിച്ചതിനെ തുടർന്ന് അദ്ദേഹത്തിന്റെ വകുപ്പുകൾ മറ്റു മന്ത്രിമാർക്ക് നൽകും. വാർത്താവിതരണ-പ്രക്ഷേപണ വകുപ്പ്, നഗരവികസന വകുപ്പ് എന്നിവയാണ് വെങ്കയ്യ നായിഡു കൈകാര്യം ചെയ്തിരുന്ന പ്രധാന വകുപ്പുകൾ. ടെക്സ്റ്റൈൽസ് വകുപ്പ് മന്ത്രിയായ സ്മൃതി ഇറാനിക്ക് വാർത്താവിതരണ, പ്രക്ഷേപണ വകുപ്പിന്റെ അധിക ചുമതല നൽകും. നഗരവികസന വകുപ്പ് ഖനിവകുപ്പ് മന്ത്രിയായ നരേന്ദ്ര സിങ് തോമറിന് അധിക ചുമതലയായി നൽകുമെന്നും സർക്കാർ വ്യക്തമാക്കി. എൻഡിഎയുടെ ഉപരാഷ്ട്രപതി സ്ഥാനാർഥിയായി പ്രഖ്യാപിക്കപ്പെട്ടതിനെ തുടർന്ന് ഇന്നാണ് വെങ്കയ്യ നായിഡു മന്ത്രിസ്ഥാനവും രാജ്യസഭാ അംഗത്വവും രാജിവെച്ചത്.
ശ്രീനഗർ: ജമ്മുവിലെ ഉറി മേഖലയിൽ കരസേന ഓഫീസർ വെടിയേറ്റ് മരിച്ചു. രാഷ്ട്രീയ റൈഫിൾസ് 8 ലെ ഓഫീസറായ മേജർ ശിക്കാർ താപ്പയാണ് ജവാൻ നായ്ക് കതിരേശന്റെ വെടിയേറ്റ് കൊല്ലപ്പെട്ടത്. നിയന്ത്രണരേഖയിലെ ബുച്ചർ പോസ്റ്റിലെ ഡ്യൂട്ടിക്കിടെയാണ് മേജർ താപ്പയ്ക്ക് വെടിയേറ്റത്.ഓഫീസറും ജവാനും തമ്മിലുള്ള തർക്കത്തിനിടെ കതിരേശൻ ഓഫീസർക്കെതിരെ വെടിയുതിർക്കുകയായിരുന്നുവെന്നാണ് പൊലീസ് പറയുന്നത്.ജവാന്റെ വെടിയേറ്റു തന്നെയാണ് മേജർ താപ്പ കൊല്ലപ്പെട്ടതെന്ന് പൊലീസ് സ്ഥീരികരിച്ചിട്ടുണ്ട്. #FLASH J&K: Army officer of Rashtriya Rifles shot dead by a jawan in Uri sector; more details awaited — ANI (@ANI_news) July 18, 2017 മൊബൈൽ ഫോൺ ഉപയോഗിച്ചതാണ് തർക്കത്തിലേക്ക് നയിച്ചതെന്ന് ചില ദേശീയ മാധ്യമങ്ങൾ റിപ്പോർട്ട് ചെയ്യുന്നുണ്ട്.എന്നാൽ മരണത്തിലേക്ക് നയിച്ച തർക്കത്തിന്റെ യഥാർത്ഥ കാരണം ഇതുവരെ പുറത്തു വന്നിട്ടില്ല. പൊലീസ് അന്വേഷണം ആരംഭിച്ചിട്ടുണ്ട്.സംഭവത്തിൽ വ്യക്തത വരുത്തി സൈന്യം ഉടൻ പ്രസ്താവ പുറത്തുവിടുമെന്നാണ് പ്രതീക്ഷിക്കുന്നത്.
പുണെ: കോൺഗ്രസ് നേതാവ് രോഹിത് തിലകിനെതിരെ, 40 വയസ്സുള്ള സ്ത്രീയെ ബലാത്സംഗം ചെയ്യുകയും പ്രകൃതിവിരുദ്ധ പീഡനങ്ങൾക്ക് വിധേയയാക്കിയെന്നും കേസ്. തിങ്കളാഴ്ച വൈകിട്ടാണ് രോഹിത്തിനെതിരെ സ്ത്രീയുടെ പരാതിയിൽ കേസ് രജിസ്റ്റർ ചെയ്തത്. പരാതിക്കാരിയായ സ്ത്രീയും രോഹിത്തും തമ്മിൽ 10 വർഷമായി പരിചയമുണ്ട്. വിവാഹ വാഗ്ദാനം നൽകി പീഡിപ്പിച്ചുവെന്നാണ് സ്ത്രീയുടെ പരാതി. കഴിഞ്ഞ നിയമസഭാ തിരഞ്ഞെടുപ്പിൽ കസ്ബ പേത്ത് മണ്ഡലത്തിൽ നിന്ന് മത്സരിച്ചെങ്കിലും ബിജെപിയുടെ ഗിരീഷ് ബാപട്ടിനോട് രോഹിത് പരാജയപ്പെടുകയായിരുന്നു. സ്വാതന്ത്ര്യ സമര സേനാനി ബാല ഗംഗാധര തിലകന്റെ പേരക്കുട്ടിയുടെ മകനാണ് രോഹിത്.
മുംബൈ: ടിസിഎസ്, ഇൻഫോസിസ് ഉൾപ്പടെയുള്ള സോഫ്റ്റ് വെയർ ഭീമന്മാർ ജീവനക്കാരുടെ എണ്ണം കുറയ്ക്കുമ്പോൾകൂടുതൽ ജീവനക്കാരെ നിയമിക്കാനൊരുങ്ങുകയാണ് ഗൂഗിൾ. എതിരാളികളായ ആമസോൺ, മൈക്രോസോഫ്റ്റ് എന്നിവ ക്ലൗഡ് ബിസിനസ് മേഖലയിൽ രാജ്യത്ത് ഏറെ മുന്നേറിയതാണ് ഗൂഗിളിനെ ആശങ്കപ്പെടുത്തുന്നത്. നിലവിൽ രാജ്യത്തെ ക്ലൗഡ് സേവനങ്ങളുടെ വളർച്ച 38 ശതമാനമാണ്. വളർച്ചയുടെ തോത് ഇനിയും ഉയരുമെന്നാണ് വിലയിരുത്തൽ. ഈമേഖലയിൽ കൂടുതൽ ആളുകളെ കമ്പനിയുടെ ഭാഗമാക്കി കുതിപ്പിന് കരുത്ത് പകരുമെന്നും ഗൂഗിൾ ക്ലൗഡ് ഇന്ത്യയുടെ തലവൻ മോഹിത് പാണ്ഡെ അറിയിച്ചു. പുതിയ സെർവറുകളും നെറ്റ്വർക്കുകളും, ഡാറ്റാ സെന്ററുകളും സ്ഥാപിക്കുന്നതിനായി കഴിഞ്ഞ മൂന്ന് വർഷത്തിനുള്ളിൽ ഗൂഗിൾ 30 ബില്ല്യൺ ഡോളറാണ് ചെലവഴിച്ചത്. ലോകത്താകമാനം പത്ത് ക്ലൗഡ് കമ്യൂണിറ്റിയാണ് ഗൂഗിളിനുള്ളത്. ഈ വർഷം ഇന്ത്യയിൽ ക്ലൗഡ് കമ്യൂണിറ്റി ആരംഭിക്കും. ഗൂഗിളിന്റെ പ്രധാന എതിരാളികളായ ആമസോൺ, മൈക്രോസോഫ്റ്റ്, ഐബിഎം എന്നിവർക്ക് ഇന്ത്യയിൽ പബ്ലിക് ക്ലൗഡ് ഡാറ്റാ സെന്ററുകൾ സ്വന്തമായുള്ള സാഹചര്യത്തിലാണ് ഗൂഗിളും മുന്നോട്ടുവരുന്നത്. ഗൂഗിളിന്റെ പ്രധാന വിപണിയായ ഇന്ത്യയിൽ സെയിൽസ്, മാർക്കറ്റിംഗ്, കസ്റ്റമർ എൻജിനീയറിംഗ് ടീം, പ്രൊഫഷണൽ സർവീസ്, നെറ്റ്വർക്ക് തുടങ്ങിയ മേഖലയിൽ വൻ നിക്ഷേപം നടത്താനുള്ള തയാറെടുപ്പിലാണ് ഗൂഗിളെന്നും പാണ്ഡെ പറഞ്ഞു. ഇന്ത്യയിലെ അടിസ്ഥാന സൗകര്യം വികസനം അതിവേഗത്തിലാണ്. ഇന്റർനെറ്റിന്റെ നിരക്ക് കുറയുന്നതും കോർപ്പറേറ്റ് മേഖലയുടെ കുതിപ്പും മുൻകൂട്ടി കണ്ടാണ് ക്ലൗഡ് സേവനം ലഭ്യമാക്കാൻ ഗൂഗിൾ ഒരുങ്ങുന്നത്.
ന്യൂഡൽഹി: രാജ്യത്തെ കിട്ടാക്കടം സംബന്ധിച്ച പഠിക്കാൻ നിയമിച്ച വിദഗ്ധസമിതിയുടെ റിപ്പോർട്ടിന് മറുപടി നൽകാൻ റിസർവ് ബാങ്കിന് സുപ്രീം കോടതി ഒരാഴ്ചത്തെ സമയംകൂടി അനുവദിച്ചു. സുപ്രീകോടതി ചീഫ് ജസ്റ്റീസുമാരായ ജെ.എസ്. ഖെഹർ, ഡി.വൈ. ചന്ദ്രചൂഢ് എന്നിവരടങ്ങിയ ബെഞ്ചാണ് ആർബിഐക്ക് ജൂലൈ 24 വരെ സമയം അനുവദിച്ചത്. കിട്ടാക്കടം എട്ടു ലക്ഷം കോടി കടന്ന സാഹചര്യത്തിലാണ് സുപ്രീം കോടതി വിദഗ്ധ സമിതിയെ നിയോഗിച്ചത്. 500 കോടിയിൽ കൂടുതൽ വായ്പ തിരിച്ചടയ്ക്കാത്തവരുടെ പേരുവിവരങ്ങൾ പുറത്തുവിടണമെന്നാവശ്യപ്പെട്ട് സെന്റർ ഫോർ പബ്ലിക് ഇൻട്രെസ്റ്റ് ലിറ്റിഗേഷ(സിപിഐഎൽ)നുവേണ്ടി പ്രശാന്ത് ഭൂഷൻ സുപ്രീം കോടതിയെ സമീപിച്ചിരുന്നു. എന്നാൽ, കടമെടുത്തവരുടെ വിവരങ്ങൾ വെളിപ്പെടുത്തുന്നത് ബാങ്കിന്റെ നിയമങ്ങൾക്കെതിരാണെന്നുകാണിച്ച് ആർബിഐ ഈ അവശ്യം നിരസിച്ചിരുന്നു. തുടർന്ന് ഈ കേസ് നാല് ആഴ്ച കഴിഞ്ഞ്പരിഗണിക്കാനായി കോടതി മാറ്റിവെച്ചു. 500 കോടി രൂപയിലേറെ വായ്പയെടുത്തവരുടെ വിവരങ്ങൾ വെളിപ്പെടുത്തണമെന്ന് സുപ്രീം കോടതി കഴിഞ്ഞ നവംബറിൽ ആവശ്യപ്പെട്ടിരുന്നു. ഇത് വെളിപ്പെടുത്താത്തതിനാലാണ് നിഷ്ക്രീയാസ്തിയും കിട്ടാക്കടവും പെരുകുന്നതെന്നും കോടതി വിലയിരുത്തിയിരുന്നു. കടം തിരിച്ചടയ്ക്കാത്തവരുടെ വിവരം നല്കാൻ കേന്ദ്ര സർക്കാരും ആർബിഐയും വിസമതിച്ച സാഹചര്യത്തിലായിരുന്നു കോടതിയുടെ വാദം. കിട്ടാകടവും നിഷ്ക്രീയാസ്തിയും പെരുകുന്നതിൽ കോടതി മുമ്പും ആശങ്ക പ്രകടിപ്പിച്ചിരുന്നു. കോടികൾ കടമെടുത്തവർ പാപ്പരായെന്നു കാട്ടി രക്ഷപ്പെടുമ്പോൾ സാധാരണക്കാരുടെ ചെറിയ കടങ്ങൾ മാത്രമാണ് ബാങ്കുകൾ തിരിച്ചു പിടിക്കുന്നതെന്നായിരുന്നു കോടതിയുടെ കണ്ടെത്തൽ. കിട്ടാക്കടം എട്ട് ലക്ഷത്തിലെത്തിയ സാഹചര്യത്തിൽ ഇത് തിരിച്ചു പിടിക്കുന്നതിനായി പ്രത്യേക കമ്മിറ്റിയെ നിയമിക്കാൻ കഴിഞ്ഞ മേയിൽ ആർബിഐ തീരുമാനിച്ചിരുന്നു.
കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസുമായി ബന്ധപ്പെട്ട് പോലീസ് കൂടുതൽ പേരെ ചോദ്യം ചെയ്യാൻ ഒരുങ്ങുന്നു. പോലീസ് വീണ്ടും ചോദ്യം ചെയ്യാൻ ഒരുങ്ങുന്നവരിൽ പ്രധാനി സംവിധായകൻ നാദിർഷയാണ്. ഒരു വിദേശ പര്യടനത്തിനിടെ ദിലീപും ആക്രമിക്കപ്പെട്ട നടിയും തമ്മിൽ തർക്കമുണ്ടായിരുന്നതായും ഇതിന്റെ തുടർച്ചയായാണ് നടിക്കെതിരെ ആക്രമണം നടന്നത് എന്നുമുള്ള സൂചനയെ തുടർന്നാണ് ദിലീപിന്റെ അടുത്ത സുഹൃത്തുകൂടിയായ നാദിർഷയെ ചോദ്യം ചെയ്യുന്നത്. ഈ കേസുമായി നേരത്തെ നാദിർഷയെ അന്വേഷണ സംഘം നേരത്തെ ചോദ്യം ചെയ്തിരുന്നു. ദിലീപിനൊപ്പം അന്ന് പതിമൂന്ന് മണിക്കൂറാണ് ചോദ്യം ചെയ്തത്. ഇതിൽ നിന്ന് വിലപ്പെട്ട ചില തുമ്പുകൾ പോലീസിന് ലഭിച്ചുവെന്നും ഇതിന്റെ ചുവടുപിടിച്ചു നടത്തിയ അന്വേഷണമാണ് ദിലീപിന്റെ അറസ്റ്റിൽ കലാശിച്ചതെന്നും സൂചനയുണ്ട്. ഇതിനിടെ സംഭവത്തിൽ നേരിട്ട് പങ്കാളിയല്ലെന്ന് കരുതുന്ന നാദിർഷയെ മാപ്പുസാക്ഷിയാക്കാനുള്ള നീക്കവും നടക്കുന്നുണ്ടെന്ന് അഭ്യൂഹമുണ്ടായിരുന്നു. ഇതിനുശേഷമാണ് വീണ്ടും ചോദ്യം ചെയ്യാൻ പോലീസ് നടപടികൾ ആരംഭിച്ചത്. ജയിലിൽ പൾസർ സുനിയുടെ സഹതടവുകാരനായിരുന്ന വിപിൻലാലിനെയും പോലീസ് വീണ്ടും ചോദ്യം ചെയ്യുന്നുണ്ട്. ജയിലിൽ വച്ച് സുനിക്കുവേണ്ടി ദിലീപിന് കത്തെഴുതിയത് വിപിൻലാലാണ്. നടിയെ ആക്രമിച്ച കേസിലെ പത്താം പ്രതിയാണ് വിപിൻലാൽ.
ന്യൂഡൽഹി: പാക് അധീന കശ്മീരിൽ നിന്നുള്ള യുവാവിന് ചികിത്സയ്ക്കായി ഡൽഹിയിലേക്ക് വരാൻ പാക് വിദേശകാര്യമന്ത്രാലയത്തിന്റെ ശുപാർശ കത്തിന്റെ ആവശ്യമില്ലെന്ന് കേന്ദ്രമന്ത്രി സുഷമാ സ്വരാജ്. പാക് അധീന കശ്മീർ ഇന്ത്യയുടെ അഭിവാജ്യ ഘടകമാണെന്നും ശുപാർശ കത്തിന്റെ ആവശ്യമില്ലെന്നും ഒസാമ അലിയെന്ന യുവാവിന് മെഡിക്കൽ വിസ അനുവദിക്കുമെന്നും സുഷമ ട്വിറ്ററിലൂടെ അറിയിച്ചു. കരൾ രോഗത്തെ തുടർന്ന് ചികിത്സയ്ക്കായി ഡൽഹിയിലെത്തുന്നതിനുള്ള മെഡിക്കൽ വിസ ലഭിക്കാനാണ് ഒസാമ അലി അപേക്ഷിച്ചിരിക്കുന്നത്. ഇന്ത്യയിലേക്ക് മെഡിക്കൽ വിസ അപേക്ഷിക്കുന്ന പാക് പൗരന്മാർ വിദേകാര്യമന്ത്രാലയത്തിൽ നിന്നുള്ള കത്തും അപേക്ഷയ്ക്കൊപ്പം സമർപ്പിക്കണമെന്ന് നേരത്തെ വിദേശകാര്യമന്ത്രാലയം നിർദ്ദേശിച്ചിരുന്നു. ഇത് പ്രകാരം ശുപാർശ കത്തിനായി അലി പാക് വിദേശകാര്യ മന്ത്രാലയത്തെ സമീപിച്ചു. എന്നാൽ ഇത് സംബന്ധിച്ച് ഇന്ത്യൻ ഹൈക്കമ്മീഷണറുമായി ആശയവിനിമയം നടത്താൻ പാകിസ്താൻ വിദേശകാര്യ ഉപദേഷ്ടാവ് സർതാജ് അസീസ് വിസമ്മതിച്ചു. ഇക്കാര്യം ശ്രദ്ധയിൽപ്പെട്ടതിനെ തുടർന്നാണ് വിസവിഷയത്തിൽ വിശദീകരണവുമായി സുഷമ എത്തിയത്. കത്തിന്റെ ആവശ്യമില്ലെന്നും അലിക്ക് മെഡിക്കൽ വിസ അനുവദിക്കുമെന്ന് സുഷമ അറിയിച്ചു. POK is an integral part of India. Pakistan has illegally occupied it. We are giving him visa. No letter required. https://t.co/cErxQw7Cht — Sushma Swaraj (@SushmaSwaraj) July 18, 2017 പാക് വിദേശകാര്യമന്ത്രാലയത്തിന്റെ ശുപാർശയുള്ള അപേക്ഷകളിൽ വളരെ പെട്ടന്ന് നടപടി സ്വീകരിക്കുമെന്നായിരുന്നു ആ മാസം ആദ്യം സുഷമാ സ്വരാജ് അറിയിച്ചത്. ശുപാർശയുള്ള അപേക്ഷകൾ പെട്ടന്ന് പരിഗണിക്കുമെന്നും മെഡിക്കൽ വീസയ്ക്കായി അപക്ഷിക്കുന്നവർ ഇത് ശ്രദ്ധിക്കണമെന്നും സുഷമ നിർദ്ദേശിച്ചിരുന്നു. എന്നാൽ പാക് അധീന കശ്മീർ ഇന്ത്യയുടെ ഭാഗമാണെന്നും അത് പാകിസ്താൻകയ്യേറിയ മേഖലയാണെന്നും വിശദീകരിച്ചു കൊണ്ടാണ് സുഷമ എത്തിയത്. കരളിലെ അർബുദ ബാധയ്ക്കുള്ള ചികിത്സയ്ക്കായാണ് അലി ദില്ലിയിലെത്തുന്നത്. സകേതിലെ ഒരു സ്വകാര്യ ആശുപത്രിയിലാവും അലിയുടെ ചികിത്സ. രോഗം ഭേദമാവാൻ കരൾ മാറ്റി വയ്ക്കാനാണ് ഡോക്ടർമാർ നിർദ്ദേശിച്ചിരിക്കുന്നത്. വിഷയത്തിൽ വിദേശകാര്യമന്ത്രി സുഷമാ സ്വരാജ് ഇടപട്ടതോടെ ചികിത്സ വേഗം പൂർത്തിയാക്കാൻ സാധിക്കുമെന്നാണ് അലിയുടെ പ്രതീക്ഷ.
ന്യൂഡൽഹി: പത്ത് വയസ്സുകാരിയെ ലൈംഗിക പീഡനത്തിനിരയാക്കിയ ആളെ ഡൽഹി പൊലീസ് അറസ്റ്റ് ചെയ്തു. തെക്കൻ ഡൽഹിയിലെ ജാമിയ നഗറിൽ നിന്നാണ് ഒളിവിൽ കഴിഞ്ഞിരുന്ന ഇയാളെ പൊലീസ് കസ്റ്റഡിയിലെടുത്തത്. കഴിഞ്ഞ മാസമാണ് പത്ത് വയസ്സുകാരി ലൈംഗിക പീഡനത്തിനിരയായത്. പെൺകുട്ടിയുടെ മാതാപിതാക്കളുടെ പരാതിയിൽ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചതോടെ ഇയാൾ ഒളിവിൽ പോയിരുന്നു. തുടർന്ന് പൊലീസ് നടത്തിയ അന്വേഷണത്തിലാണ് ഇയാളെ അറസ്റ്റ് ചെയ്തത്. പെൺകുട്ടിയുടെ അടുത്ത ബന്ധു കൂടിയായ പ്രതി താമസിക്കുന്നതും ഇവരുടെ വീട്ടിൽ തന്നെയായിരുന്നു. കുട്ടിയുടെ മാതാപിതാക്കൾ വീട്ടിലില്ലാത്ത സമയം നോക്കി ഇയാൾ പതിവായി പെൺകുട്ടിയെ ലൈംഗിക പീഡനത്തിന് ഇരയാക്കിയിരുന്നതായും പുറത്തുപറഞ്ഞാൽ കൊന്നു കളയുമെന്ന് ഭീഷണിപ്പെടുത്തിയിരുന്നതായും പൊലീസ് പറഞ്ഞു. മാതാപിതാക്കളുടെ പരാതിയിൽ പൊലീസ് ഇയാൾക്കു വേണ്ടി തിരച്ചിൽ ആരംഭിച്ചിരുന്നുവെങ്കിലും കഴിഞ്ഞ ഒരുമാസമായി പ്രതിയെ കണ്ടെത്താൻ സാധിച്ചിരുന്നില്ല.
ന്യൂഡൽഹി: വ്യാപാരം ആരംഭിച്ച് ആദ്യ അര മണിക്കൂർകൊണ്ട് എൽഐസിക്ക് നഷ്ടമായത് 7000 കോടി രൂപ! ഐടിസി ഓഹരിയുടെ വില 15 ശതമാനം താഴ്ന്നതാണ് ഓഹരി മൂല്യത്തിൽ ഇത്രയും ഇടിവുണ്ടായത്. സിഗരറ്റിന് വീണ്ടും സെസ് ചുമത്താൻ ജിഎസ്ടി കൗൺസിൽ തീരുമാനിച്ചതാണ് ഐടിസിയുടെ ഓഹരി വിലയെ ബാധിച്ചത്. 2017 ജൂൺ 30ലെ കണക്കുപ്രകാരം ഐടിസിയുടെ 16.29 ശതമാനം ഓഹരികളാണ് എൽഐസിയുടെ കൈവശമുള്ളത്. ഐടിസിയുടെ ഓഹരി വില ഇടിഞ്ഞതിനെതുടർന്ന് എൽഐസി ഉൾപ്പടെ രാജ്യത്തെ മൊത്തം ഇൻഷുറൻസ് കമ്പനികൾക്കുണ്ടായ നഷ്ടം 10,000 കോടി കവിയുമെന്നാണ് വിലയിരുത്തൽ. മുൻവർഷങ്ങളുമായി താരതമ്യം ചെയ്യുമ്പോൾ ഐടിസി ഓഹരി പടിപടിയായാണ് എൽഐസി വാങ്ങിക്കൂട്ടിയതെന്ന് കാണാം. നാല് വർഷം മുമ്പ് 12.63 ശതമാനമായിരുന്നു ഓഹരി വിഹിതമെങ്കിൽ 2016 ജൂണിൽ 14.34 ശതമാനമായി ഉയർത്തി.
കൊച്ചി: നടിയെ ആക്രമിച്ച കേസിൽ കൂടുതൽ പ്രതികളുണ്ടോ എന്ന കാര്യം ആലുവയിലുള്ള വിഐപി പറയട്ടെയെന്ന് പൾസർ സുനി. റിമാൻഡ് കാലാവധി പൂർത്തിയായതിനെ തുടർന്ന് അങ്കമാലി കോടതിയിൽ ഹാജരാക്കി തിരികെ കൊണ്ടുപോകുമ്പോഴാണ് സുനി മാധ്യമങ്ങളോട് പ്രതികരിച്ചത്. കഥ പകുതിയെ ആയിട്ടുള്ളൂ എന്ന് സുനി മാധ്യമങ്ങളോട് പറഞ്ഞു. കേസിൽ കൂടുതൽ പ്രതികളുണ്ടോ എന്ന ചോദ്യത്തിന്, അക്കാര്യം ആലുവയിലുള്ള വിഐപി പറയട്ടെയെന്ന് സുനി പ്രതികരിച്ചു. ആലുവ സബ്ജെയിലിൽ റിമാൻഡിൽ കഴിയുന്ന ദിലീപിനെ ഉദ്ദേശിച്ചായിരുന്നു സുനിയുടെ പ്രതികരണം. മൊബൈൽ ഫോൺ പ്രതീഷ് ചാക്കോയ്ക്ക് നൽകിയിട്ടുണ്ടോ എന്ന ചോദ്യത്തോട് സുനി പ്രതികരിക്കാൻ തയ്യാറായില്ല.കൂടുതൽ പ്രതികൾ ഉണ്ടായേക്കാമെന്ന് സുനിയുടെ അഭിഭാഷകൻ ആളൂർ പറഞ്ഞിരുന്നു. താൻ ഈ കേസിൽ കുറ്റമൊന്നും ചെയ്തിട്ടില്ലെന്നും മൊബൈൽ ഫോണോ കത്തോ ആർക്കും കൊണ്ടുപോയി കൊടുത്തിട്ടില്ലെന്നും കേസിലെ മറ്റൊരു പ്രതിയായ വിഷ്ണു മാധ്യമങ്ങളോട് പറഞ്ഞു. ഞാനീ കേസിൽ നിരപരാധിയാണ്, ഞാനാർക്കും ഫോണൊന്നും കൊടുത്തിട്ടില്ല എന്നായിരുന്നു വിഷ്ണുവിന്റെ പ്രതികരണം. വിഷ്ണുവിന്റെമൊഴിയുടെ അടിസ്ഥാനത്തിലാണ് ദിലീപിന്റെ അറസ്റ്റ് അടക്കമുള്ള കാര്യങ്ങൾ നടന്നത്. സുനിയുടെ സഹതടവുകാരനായിരുന്ന വിഷ്ണു, ദിലീപിന്റെ മാനേജറായ അപ്പുണ്ണിയെയുംനാദിർഷായെയും ഫോണിൽ വിളിക്കുകയും പണം ആവശ്യപ്പെടുകയും ചെയ്തെന്ന്അന്വേഷണ സംഘം കണ്ടെത്തിയിരുന്നു.
ന്യൂഡൽഹി: ഗോസംരക്ഷണത്തിന്റെ പേരിൽ ദളിതർക്കെതിരായ ആക്രമണം ചർച്ചചെയ്യാൻ അനുവദിക്കാത്തതിൽ പ്രതിഷേധിച്ച് എം.പി സ്ഥാനം രാജിവെക്കുകയാണെന്ന് ബിഎസ്പി അധ്യക്ഷ മായാവതി. ദളിത് വിഷയം ഉന്നയിക്കാൻ അനുവദിക്കാത്തതിൽ പ്രതിഷേധിച്ച് രാജ്യസഭയിൽ നിന്ന് അവർ രാവിലെ ഇറങ്ങിപ്പോകുകയുണ്ടായി. തുടർന്ന് യുപി സർക്കാരിനും കേന്ദ്ര സർക്കാരിനുമെതിരെ ആഞ്ഞടിച്ചുകൊണ്ടാണ് ദളിത് വിഷയം ചർച്ചചെയ്യാൻ പോലും അനുവദിക്കാത്ത സഭയിൽ ഇരിക്കാൻ താൻ ആഗ്രഹിക്കുന്നില്ല എന്ന് ആരോപിച്ചുകൊണ്ട് എം.പി സ്ഥാനം രാജിവെക്കുകയാണെന്ന് അവർ പ്രഖ്യാപിച്ചത്. യു.പിയിൽ നടക്കുന്നത് ഗുണ്ടാരാജാണെന്നും അവർ പറഞ്ഞു. രാജിക്കത്ത് ഇന്ന് തന്നെ ചെയർമാന് ദൂതൻ വശം കൊടുത്തയക്കുമെന്നും അവർ പ്രഖ്യാപിച്ചു. സഭയിൽ സംസാരിച്ചുകൊണ്ടിരിക്കെ ഡെപ്യൂട്ടി ചെയർമാൻ ഇടപെട്ടപ്പോൾ പ്രതിഷധിച്ച് അവർ ഇറങ്ങിപ്പോകുയായിരുന്നു.
ബംഗലൂരു: കേന്ദ്രം ഭരിക്കുന്ന ബിജെപി സർക്കാർ ഒരൊറ്റ രാജ്യം ഒരേ സ്വരമെന്ന തത്വവുമായി മുന്നോട്ട് പോവുന്നതിനിടെ സംസ്ഥാനത്തിന് മാത്രമായി ഒരു പതാക സാധ്യമാണോ എന്ന് പരിശോധിക്കാൻ കർണാടക സർക്കാർ ഒമ്പതംഗ കമ്മിറ്റി രൂപവത്കരിച്ചു.ഔദ്യോഗിക പതാക രൂപീകരിക്കുന്നത് സംബന്ധിച്ച് റിപ്പോർട്ട് തയ്യാറാക്കി സമർപ്പിക്കണമെന്നാണ് ആവശ്യപ്പെട്ടിരിക്കുന്നത്.കമ്മിറ്റി മുന്നോട്ട് വയ്ക്കുന്ന ശുപാർശകൾക്ക് നിയമപരമായ അനുമതി ലഭിച്ചാൽ ജമ്മുവിന് പിന്നാലെ സ്വന്തമായി പതാകയുള്ള ഇന്ത്യയിലെ രണ്ടാമത്തെ സംസ്ഥാനമാവും കർണാടക. നിലവിൽ ഉപയോഗിക്കുന്ന ചുവപ്പും മഞ്ഞയും നിറത്തിലുള്ള പതാക സംസ്ഥാനത്തിന്റെ ഔദ്യോഗിക പതാകയായി പ്രഖ്യാപിക്കണമെന്നുള്ള നിർദ്ദേശം നേരത്തെ ഉയർന്നുവന്നിരുന്നു.എന്നാൽ ഈ നിർദ്ദേശം അംഗീകരിച്ചിട്ടില്ലെന്ന് സർക്കാർ കർണാടക ഹൈക്കോടതിയെ അറിയിച്ചു. നാനാത്വത്തിൽ ഏകത്വമെന്ന രാജ്യത്തിന്റെ തത്വത്തോട് ചേരുന്നതും എന്നാൽ സംസ്ഥാനത്തിന് പ്രത്യേക തിരിച്ചറിയൽ നൽകുന്നതുമായ പതാകയാവും ഔദ്യോഗിക പതാകയായി പരിഗണിക്കുകയെന്നാണ് കമ്മിറ്റിയുടെ പ്രതികരണം. കർണാടകയ്ക്ക് സ്വന്തമായി പതാക രൂപം നൽകാനുള്ള തീരുമാനം സംസ്ഥാന നിയമസഭയിൽ മുന്നോട്ടുവച്ചപ്പോൾ പ്രതിപക്ഷത്തിന്റെ ഭാഗത്തു നിന്നും എതിർപ്പുകൾ ഉയർന്നിരുന്നു.സംസ്ഥാനത്തിന് മാത്രമായി പതാകയ്ക്ക് രൂപം നൽകിയാൽ ദേശീയ പതാകയുടെ പ്രാധാന്യം നഷ്ടപ്പെടുമെന്നും ഏകസ്വരമെന്ന തത്വത്തെ അത് ബാധിക്കുകയും ചെയ്യുമെന്ന് സാംസ്കാരിക വകുപ്പ് മന്ത്രി ഗോവിന്ദ് എം കജ്രോൾ ചൂണ്ടിക്കാട്ടി. ഈ തീരുമാനം സമീപ ഭാവിയിൽ ജനങ്ങളുടെ മനസ്സിൽ ഇടുങ്ങിയ വർഗ്ഗീയ ചിന്താഗതി സൃഷ്ടിക്കുമെന്നും കജ്രോൾ സൂചിപ്പിച്ചു. മുൻ കർണാടക മുഖ്യമന്ത്രിയും കേന്ദ്രമന്ത്രിയുമായ ഡി വി സദാനന്ദ ഗൗഡയും ഈ നീക്കത്തെ എതിർത്ത് രംഗത്തെത്തിയിട്ടുണ്ട്.ഇന്ത്യ ഒറ്റ രാജ്യമാണെന്നും ഒരു രാജ്യത്തിന് രണ്ട് പതാകയെന്ന തീരുമാനത്തെ ഒരിക്കലും അംഗീകരിക്കാൻ പറ്റില്ലെന്നും അദ്ദേഹം അഭിപ്രായപ്പെട്ടു. എന്നാൽ സംസ്ഥാനങ്ങൾക്ക് സ്വന്തമായി പതാക രൂപീകരിക്കാനുള്ള അവകാശം രാജ്യത്തിന്റെ നിയമം അനുശാസിക്കുന്നുണ്ടെന്നാണ് സർക്കാരിന്റേയും സർക്കാർ നിയോഗിച്ച കമ്മിറ്റിയുടേയും വാദം. സംസ്ഥാനങ്ങളുടെ ഔചിത്യത്തിനനുസരിച്ചുള്ള ഫ്ളാഗ് കോഡ് തിരഞ്ഞെടുക്കാനുള്ള അനുമതി ഉണ്ടെന്നും കമ്മിറ്റി ചൂണ്ടിക്കാണിക്കുന്നു.
സഹപ്രവർത്തകരുടെ വാക്കുകേൾക്കാതെ 2014-ൽ ഇൻഫോസിസിന്റെ ചെയർമാൻ സ്ഥാനം ഒഴിഞ്ഞതിൽ ഇപ്പോൾ ഖേദിക്കുന്നതായി എൻ.ആർ. നാരായണ മൂർത്തി. നിലവിലെ ചെയർമാനായ വിശാൽ സിക്കയുടെ നേതൃത്വത്തിൽ അനിഷ്ടം പ്രകടിപ്പിക്കുന്നതായിരുന്നു അദ്ദേഹത്തിന്റെ പ്രതികരണം. ഈ സ്ഥാപനത്തിൽനിന്നു പോകരുതെന്ന് സ്ഥാപക സഹപ്രവർത്തകർ പറഞ്ഞിരുന്നതായും എന്നാൽ അത് അനുസരിക്കാൻ എനിക്ക് കഴിഞ്ഞില്ലെന്നും അദ്ദേഹം ആവർത്തിച്ചു. എന്റെ തീരുമാനങ്ങൾ പലതും ആദർശങ്ങളെ മുൻ നിർത്തിയുള്ളവയായിരുന്നു. ഇൻഫോസിസ് വിടാനുള്ള എന്റെ തീരുമാനം ശരിയായിരുന്നില്ലെന്നും അദ്ദേഹം പറഞ്ഞു. 33 വർഷത്തെ സേവനത്തിനു ശേഷം 2014ൽ ആണ് മൂർത്തി ഇൻഫോസിസിൽ നിന്നിറങ്ങിയത്. ഇൻഫോസിസിൽ ഏറ്റവും കൂടുതൽ കാലം സിഇഒ ആയിരുന്ന വ്യക്തി എന്ന ബഹുമതിയും ഇദ്ദേഹത്തിനാണ്. 21 വർഷമാണ് അദ്ദേഹം സിഇഒ സ്ഥാനം അലങ്കരിച്ചത്. തുടർന്ന് അദ്ദേഹത്തിന്റെ പിൻഗാമിയായി നന്ദൻ നീലേകനി, എസ്. ഗോപാല കൃഷ്ണൻ, എസ്.ഡി. ഷിബുലാൻ, വിശാൽ സിക്ക എന്നിവരാണ് ഈ സ്ഥാനം അലങ്കരിച്ചത്. ഇൻഫോസിസിന്റെ വളർച്ചയുടെ ക്രെഡിറ്റ് അവകാശപ്പെടാൻ കഴിയുന്ന ചെയർമാൻ ആയിരുന്നു എൻ.ആർ. നാരായണ മൂർത്തി. എതാണ്ട് തുടക്കകാലം മുതൽ തന്നെ അദ്ദേഹം ഇൻഫോസിസിന്റെ അമരത്തുണ്ടായിരുന്നുവെന്ന്പറയാം.
ബെയ്ജിങ്: ഡോക്ലാം വിഷയത്തിൽ ഇന്ത്യയ്ക്കെതിരെ ഭീഷണിയുമായി ചൈനയിലെ സർക്കാർ നിയന്ത്രണത്തിലുള്ള ഗ്ലോബൽ ടൈംസ്. ഡോക്ലാമിൽനിന്ന് പിന്മാറാൻ ഇന്ത്യൻ സൈന്യം തയ്യാറാകാത്തപക്ഷം ദീർഘകാലം നീളുന്ന പ്രത്യാഘാതങ്ങൾനേരിടാൻ ഇന്ത്യ തയ്യാറെടുക്കേണ്ടി വരുമെന്നാണ് ഗ്ലോബൽ ടൈംസിന്റെ ഭീഷണി. ടിബറ്റിൽ ചൈന നടത്തിയ സൈനികാഭ്യാസത്തിന് തൊട്ടുപിന്നാലെയാണ് ഇന്ത്യയ്ക്കെതിരായ ഭീഷണിയുമായി ഗ്ലോബൽ ടൈംസ് രംഗത്തെത്തിയിട്ടുള്ളത്. ഇന്ത്യയെ പ്രതിരോധത്തിലാക്കാൻ ചൈനയ്ക്ക് കഴിയുമെന്ന് ഗ്ലോബൽ ടൈംസ് പ്രസിദ്ധീകരിച്ച ലേഖനം ഭീഷണി മുഴക്കുന്നു. ഇന്ത്യയുമായി ഏറ്റുമുട്ടുന്ന സാഹചര്യം ഒഴിവാക്കാനാണ് ചൈന ശ്രമിക്കുന്നത്. എന്നാൽ ഏറ്റുമുട്ടലിനെ ചൈന ഭയക്കുന്നില്ലെന്നും ലേഖനത്തിൽ പറയുന്നു. ഇന്ത്യയ്ക്കെതിരായ ലേഖനങ്ങൾ അടുത്തിടെയായി ഗ്ലോബൽടൈംസ് നിരന്തരം പ്രസിദ്ധീകരിക്കുന്നുണ്ട്. 1962 ൽ നടന്ന യുദ്ധത്തിനുശേഷം ഇന്ത്യ നിരന്തരം പ്രകോപനം സൃഷ്ടിക്കുകയാണെന്ന് ഗ്ലോബൽ ടൈംസ് നേരത്തെ പ്രസിദ്ധീകരിച്ച ലേഖനത്തിൽ കുറ്റപ്പെടുത്തിയിരുന്നു.
കൊച്ചി: കുടുംബവഴക്കിനിടെ അച്ഛന്റെ വെടിയേറ്റ് എറണാകുളത്തെ സ്വകാര്യആശുപത്രിയിൽ ചികിത്സയിലായിരുന്ന മകൻ മരിച്ചു. ഇടുക്കി ശാന്തൻപാറ സൂര്യനെല്ലി സ്വദേശി ബിനുവാണ് മരിച്ചത്. കഴിഞ്ഞ ദിവസമാണ് പിതാവ് അച്ചൻകുഞ്ഞുമായുള്ള തർക്കത്തിനിടെ ബിനുവിന് വെടിയേറ്റത്. ബിനുവിന്റെ ഇളയസഹോദരന്റെ ഭാര്യയുമായി പിതാവ് നിരന്തരം കലഹിക്കുമായിരുന്നു. കഴിഞ്ഞ ദിവസം മദ്യപിച്ചെത്തിയ അച്ചൻകുഞ്ഞ് സഹോദരഭാര്യയുമായി വീണ്ടും വാക്ക് തർക്കത്തിൽ ഏർപ്പെട്ടതോടെ ബിനു പ്രശ്നത്തിൽ ഇടപെട്ടു. തർക്കം മൂർച്ഛിച്ചതോടെ അടുക്കളയിൽ ഒളിപ്പിച്ചു വച്ച നാടൻ തോക്ക് കൊണ്ട് അച്ചൻകുഞ്ഞ് മകനെ വെടിവയ്ക്കുകയായിരുന്നു. ലൈസൻസില്ലാത്ത തോക്കാണിതെന്ന് പോലീസ് കണ്ടെത്തിയിട്ടുണ്ട്.
 
 
 
Hosted and Maintained by www.kerala.com & www.Indias.com by 
Worldviewer Dot Com (India) Pvt. Ltd.
 & Worldviewer.in , USA
"Your Home, Your Town, Your World." Mail to:  info@kerala.com